________________
[२६१]
तज्जाया य चउवीसं, जिणा ते नामओ इमे । [पढमो] सेणियज्जीवो, पउमनाभो जिणेसरो ॥ बीओ सुपासजीवो उ, सूरदेवो त्ति होही(होहिइ) । तइओ पोट्टिलजीवो, सुपासो जिणपुंगवो ॥ चउत्थो य दढाउओ, तित्थयरो सयंपभो । पंचमो कत्तियजीवो, सव्वाणुभूइसन्निओ ॥ छट्ठो संखस्स जीवो उ, देवगुत्तो(सुओ) जिणुत्तमो । सत्तमो गंदजीवो उ, अभिहाणेणुदओ जिणो ॥ सुनंदस्सऽट्ठमो [जीवो], पेढालो पुत्तस्स केवली (? - इइ नामओ ?) । नवमो केक्कसीजीवो, पोटिलो नाम रेहिही ॥ दसमो रेयलिजीवो, सयकित्ती त्ति होहिइ । एक्कारो सच्चइजीवो, नामेणं मुणिसुव्वओ ॥ बारमो वासुदेवस्स, जीवो उ अममो जिणो । तेरसमो बलदेव-जीवो निक्कसायाभिहो || चोद्दसो रोहिणीजीवो, निप्पुलाओ [जिणेसरो] । पण्णरो सुलसाजीवो, निम्ममो निम्ममावही ॥ सोलसो रेवईजीवो, चित्तगत्तो जिणाहवो । सत्तरसो गवालिस्स, जीवो समाहिनामिह ॥ अट्ठारो गग्गलिजीवो, संवरो संवरावही । दीवायणजिओ गुण-वीसो नियट्टिनामगो ॥ वीसमो कन्नजीवो उ, *विवेगो नाम पु[ज्जि]ही । नारयस्स एक्कवीसमो, “विमलो [नामओ] जिणो ॥ . बावीसो अम्मडज्जीवो, देवोवसमदेवया । होही दारमदज्जीवो, तेवीसोऽणंतवीरओ ॥ साइजीवो चउव्वीसो, 'विजओ जुयलाइमो । एवं च कालचक्कंमि, भमंते वारोसारए ॥ ओसप्पुस्सप्पिणीरूवे, अणाइयंते सुराहिवा ! । संसारं जम्मणाईहिं, नायं() दुहविवागियं ॥ तुब्भे दुहविवागं [च], हिंसाइयं चएज्जह । हिंसाइयं च कोवाइ-चउक्कं पेम-मच्छरं ॥ जुद्धऽभक्खाण-पेसुण्ण-निंदा-छम्मारई-रई ।
मायामुसेति नीयं च, दुमाइभंगसूयगं ॥ x यशोधर इति त्रिषष्टिः । * विजय - इति त्रिषष्टिः । ० मल्ल इति त्रिषष्टिः । + भद्रकृत् इति त्रिषष्टिः ।
HHHHHHH
