________________
[२५९]
mammer
भूकंपाइमहुप्पाय-बोहिया के वि निप्पिहा । सोवसग्गं ति विण्णाय, तत्तो जाहिति अण्णहि ॥ सप्पिहा पुण ठाहिति, तत्थ मेहो य वासिही । सत्तरसदिणे जाव, गुरुधारो निरंतरं ॥ जलेणुल्लिट्ठिही तत्तो, गंगासोणो महादहो । पच्चासण्णो पलावेही, नित्ताणं सपुरं जणं ॥ तहा वि न मरिस्संति, केइ रायाइणो जणा । लद्धं फलहखंडाई, तो कलिगी निवेसिही ॥ रज्जमण्णं पुरं तं पि, कालेण वसिही बहुं । जाए सुहा(हे) सुकाले य, कलिगी दप्पुद्धरो पुणो ॥ तणं व सेसरायाणे, मण्णेही सुट्ठ लोभिओ । पासंडीणं करं घेत्तुं, सेयभिक्खूण मग्गिही ॥ पुव्वि व वारिही तं च, पुणो [वि] कुलदेवया । तहा वि मग्गिही छटुं, भागं भिक्खाए लोभिओ ॥ संघमुक्खो य नो दाही, सूरो पाडिवओ तया । तो गोवाडे निरुंभेडे, संघं सव्वं धराविही ॥ सासणदेवयाहिं च, भणिही - 'बाह मा मिव । संघ' तहा वि नो ठाही, जा ता संघो विहिस्सइ ॥ काउस्सग्गं मणे काउं, सक्कं ति चलिआसणो । तत्थेही तुरियं सक्को, संघत्तिं नाउमोहिणा ॥ विहिणा पुट्ठकज्जो य, दिओ होउं नचिंतिओ । गंतुं सिक्खिविही तं च, अमन्नाणं विणासिही ॥ एवं च कलिगी राया, जाही मरिउ दुग्गइं । जया छासीइवासाऊ, तया मे मुत्तिकालओ ॥ दोण्णि वाससहस्साणि, वच्चिहिति तओ परं । कलिगिस्स सुयं सक्को, दत्तं नाम य पेच्छिही ॥ लोयं पासंडिणं किच्चे, जिणधम्मे विसेसओ । सम्मएण य सव्वेसिं, दत्तं रज्जेऽहिसेव(इ)ही ॥ संघं च पुच्छिउं सक्को, सट्टाणं वच्चिही पुणो । दत्तो वि सावओ होउं, काही तित्थुण्णइं परं ॥ भारहे मज्झिमे खंडे, चेइयाइविहाणओ । जाइस्सुमरणाईया, तत्तो भावा य सोहणा ॥ किंचि पाउब्भविस्संति, जाऽऽरयंतो तहिं पुण । विमलवाहणो राया, सुमुहो से महत्तमो ॥
