________________
[२५८]
wwwwwwwwwwwwwwwwwwwwwwnew
मिच्छट्ठिी य होहेंति, पायं रायाइणो जणा । सव्वे वि; धम्मिया थोवा, सुहाभावा विसेसओ ॥ तंमि मे मुत्तिकालाओ, वासाणं वरिसुत्तरा । सया जया गमिस्संति, देसे मालवए तया ॥ सधणेण पवत्तेही, नियं संवच्छरं तयं । होही मे मुत्तिकालीणं, चउसुत्तरमीसियं ॥ पणतीससयाधुटुं, होही विक्कमसंवसुं । सगो राया पवत्तेही, सो वि संवच्छरं सगं ॥ चोद्दसवासाहिएसूण-वीससएसु जम्मिही । पुरे पाडलिपुत्तंमि, मिलेच्छाणं कुले दिणे ॥ सुदुढे कलिगी नाम, चउम्मुहो व दुम्मुहो । महादुट्ठो त्ति तज्जम्मे, पडिही महुरापुर ॥ सयं चिय महोत्तुंगं, वरामिसाहु(हरि-बलाण?) देउलं । होही गंध-रसच्छेओ, चोराणावुट्ठिपीडिया ॥ थोवपासंडमाणुस्से, चउप्पए दुराउले । सया(राया) अट्ठारसवासुद्धं, हिंडंतो य कयाइ वि ॥ कलिगी पाडलीपुत्ते, पेच्छिही [पंच थूभए] । [पुच्छिही सो] महाविद्धे, ते कहिस्संति तस्सिमं ॥ 'नंदो राया पुराऽऽसीह, निस्सामण्णधणो पहू । तस्सेमाणि हिरन्नाइ-निहाणाणि त्ति भन्निमो' ॥ सोउं चेमं खणावित्ता, तत्थूभे; गिहिही बहुं । नंदरायहिरण्णाई, तोऽखिलं खाणिही पुरं ॥ उद्वेही य तहिं लोण-देवी नाम सिलामई । गामी(वी) हेट्ठा खणिज्जते, तत्तो तप्पाडिहेरओ ॥ होउं रायपहे गावी, पाडेही जण-साहवो । सूमुयंति(घट्टिस्संति?) त्ति तं दट्ठ-मुप्पायं केइ तो जणा ॥ देसंतरेसु जाहिति, जे य जप्पडियंसहा । तत्थ वाहंति; ते राया, लिंगिणो वि य मग्गिही ॥ कर; संघो भणेही य, - 'देव ! नऽम्हऽत्थि किंपि ता । जं जाणसि कुण अम्हं तं', सोउं चेमं सरोसओ ॥ धाही धमधमायंतो, केवि दिणे अह भणिही । नियाए कुलदेवयाए, - 'जइ भे ! मरिठं नेच्छसि ॥ तो संघं गंतुं खामेहि', सोउं चेमं भयाउरो । सुईहोउं गओ संघ, खामेही कलिगी परं ॥
