________________
[२५५]
wwwamwammmwwwwwwwwww
विप्परिणामाविति य, परं पि तेऽणुचियकारिणो तत्तो । पवयणहीला होही, धम्मुज्जमिणो [उ] विरलयरा ॥ जे सिढिलेसुं दाहिति, चोयणं; ते वि तेहि गाढयरं । खिसिज्जर्हिति वानर-सुमिणयसूइयसहावेहिं ॥२ जे य क्खीरदुमसमा, दाणपरा सावया सुखेत्तेसु । सासणभत्ता तेसिं, हपो(त्थो?)पगेहिं व किलिटेहिं ॥ तह लिंगडेहिं रुज्झिस्संति जहागया महामुणिणो । सिंहतुल्ला वि तेसिं, पडिहासिस्संति [सुणया व] ॥ [आदिस्संति] य सुविहिय-विहारखेत्ताणि लिंगडा वुड्डा । बब्बूल[दुम]समाणा, खीरहुमसुविणयफलं ति ॥३ कागधेट्ठा य पायं, मुणिणो धम्मत्थिणो वि गच्छेसुं । गिहदीहियातडेसुं व, गंभीरेसुं न रमिहिंति ॥ तत्तोऽन्नगच्छिएहि, मायट्ठाणीहिं सूरिपमुहेहिं । मायण्हियासमेहिं, नडिया सह तेहि गंतुमणा ॥ भणिस्संति हिएहिं, – 'जुत्तं गमणं न तुम्ह'मिइ सोउं । बाहिंते केइ अवरि, फिट्टिस्संति त्ति कागफलं ॥४ सिंहसमं च जिणमयं, जाइस्सरणाइपाणपरिहीणं । भारहवणंमि मरिही, धम्मपरिक्खगजणाणुचिए । तह वि न कुतित्थितिरिया, पुव्विल्लपहावओऽभिभविहिति । किंतु निजुप्पण्ण च्चिय, किमिकप्पलिंगिणो पायं ॥ असमंजसकरणेणं, ते य तहा दट्ठ पच्चणीया वि । सावयकप्पा परिभविहिति न गुणिणो त्ति सीहफलं ॥५ पवरपउमायरेसु, सुक्खेसु सुकुलेसु सुरहिपउम व्व । होहिंति न धम्मपरा, हूया वि कुसंगपरिवडिया ॥ गद्दहपउमाइस्संति, जे उ उक्कुरडियासमे [तलाए] । केइ होहिंति कुदेस-कुले धम्मपरा वि हीण त्ति ॥ लोयाणमणादेया, असमत्था साहिउं सकज्जं पि । सजिगीसा परकज्जं, कह साहिस्संति पउमफलं ॥६ वावेंति अबीयाणि वि, ऊसरखेत्तेसु बीयबुद्धीए । जह केइ फलत्थं कूडकरिसगा सावया वि तहा ॥ दाहिति अकप्पाणि वि, भत्तजणाईण धम्मबुद्धीए । सोक्खत्थमणत्थेसुं, कुकरिसगा वा जहा केइ ॥ बीयं वपइ घुणक्खरनाएणाऽबीयमज्झपडियं पि । तहऽ[प]त्ति च्चिय सड्ढा, पत्तं च दाहिति [बीय] फलं ॥७
