________________
[२५४]
wwwwwwwwwware
womaaamwoman
आसी य सुभद्दासमाणा नामेणं साविया जयंती जा कोसंबीनयरीए पुच्छिसु सयं महावीरं -
'भयवं ! किं जीवाणं, कम्मायत्ताणं सुत्तया सेया ? । जागरिया वा सेया ?', सामी वि सयं कहइ तीसे ॥ 'सुण साविये जयंती !, जीवा दुविहा मए समक्खाया । इह धम्मिया तहऽण्णे, अहम्मिया; तत्थ धम्मियया । जे तेसिं जागरिया, सेसा(या); जं ते सुअस्स उज्जुत्ता । पढणायण्णण-चिंतण-मरिसण-पुच्छा-कहणगुणिणो ॥ लिहण-पडियग्गणाइसु, सुयभणियविहाणओ य किच्चेसु । दरिसणपभावणा-दाण-सील-तव-भावणाईसु ॥ एवं च धम्मियजिया, जग्गंता कम्मनिज्जरं काउं । वच्चंति सिवं तम्हा, तेसिं जागरिया सेया ॥ अओ अहम्मियजीवा, ते हिंसाईसु पावकम्मेसु । जग्गंता वढते, तो तेर्सि सुत्तया सेया' ॥ सोउं च जयंती इमं, पव्वइया संवेगया तहऽण्णे वि । संबुद्धा बहुसत्ता, किं वा न करेज्ज सव्वण्णू ? ॥ इय सामिस्सऽट्ठारस[सहस्स]सहियाणि तिण्णि लक्खाणि । सुलसाइसावियाणं दढसम्मत्ताणि जायाणि ॥ एवं च समण-समणी-सावय-सावियभयं समणसंघं । विहिअं चउव्विहं पि य, नियतित्थे गुणगणसमिद्धं ॥ मुत्तिसुहसम्मुहो विव, गंतुं चंपापुरीओ पावाए । नयरीए समोसरिओ, संघेण समं महावीरो ॥ तत्थेइ पुण्णपालो, नाम निवो नमिय पुच्छइ य सामि । दिट्ठसुमिणयफलं, सोउं सामी वि तं भणइ ॥ 'हत्थी १ य वानरो २ तह, खीरदुमो ३ काग ४ सीह ५ पउमाणि ६ । बीज ७ कलस ८ त्ति सुमिणय-फलाणि सुण राय ! साहेमि ॥ होउं पि हत्थिसरिसा, विवेयतुंगत्तणओ[ऽज्ज]पभिई । वसिहिति सावया चल-रिद्धिसुहाईसु गेहेसु ॥ न य दुत्थेसु वि तेसुं, परचक्काईहिं [व] पव्वइस्संति । पव्वइया कुसंगा, केइ पुण उप्पव्वइस्संति ॥ विरला उ पव्वइत्ता, विहिणा थिरबुद्धिणो कुसंगे वि । विहरिस्संति जहुत्तं, गयसुमिणुल्लिंगिया भद्दा ॥१ पायं च वानरसमा, चलपरिणामऽप्पसत्तभावाओ । सूरिप्पमुहा धम्मे, पमाइस्संति गच्छगया ॥
