Page Text
________________
[२४९]
wwwwwwwwww
wwwwwwwwwwwwwwwwwwww
आलंभियाए नयरीए जियसत्तू राया । चुल्लसयओ नाम भंडसालिओ । तस्स बहुला नाम भज्जा। छक्कसंखाए य परिग्गहो । संखवणमुज्जाणं । सेसं जहा सुरादेवस्स तहा पढियव्वं । नवरं रोगपक्खेवणठाणे देवेण 'सव्वं तुह घरसारं अवहरिस्सामि । तओ तुमं दीणो टणटणेतो मरिस्ससि' । हरिउकामस्स य देवस्स धाविओ पुट्ठओ चुल्लसयगो । समागया बहुला जाव महाविदेहे सिज्झिस्सइ ॥छ।५॥ जहा कुंडकोलिओ॥ तं जहा -
कंपिल्लपुरे जियसत्तू राया । कुंडकोलिओ नाम भंडसालिओ । तस्स पूसा नाम भज्जा । छक्कसंखए य परिग्गहो । सहसंबवणुज्जाणे महावीरंतिए तहेव सावओ जाओ । अन्नया य पच्छिमदिवसे नियगिहासोगवणियामज्झट्ठियंमि चोक्खयसिलायले नियनामंकियमुद्दियमोढयणं च मेलित्ता सपोसहसामाइयं पडिवज्जइ । तं च दट्ठण एगो मिच्छदिट्ठी देवो नामंकियमुद्दियमोढयणं च घेत्तुं भणइ – 'भो कुंडकोलिया ! मुंचसु जिणमयं । पडिवज्जसु निरणुट्ठाणं गोसालयमयं । अन्नहा अ(ह)रिस्सामि ते समुद्दियमिममोढणयं' । तओ कुंडकोलिओ भणइ – 'जइ निरणुट्ठाणस्स कज्जसिद्धी ता किमत्थमिहाऽऽगंतुं तुममेवमणुचिट्ठसि ? जेणऽणुट्ठाणट्ठिओ चे गोसालयदरिसणाणुगयं न करेसि ?' । तओ सोउमेवं देवो कुंडकोलियस्स पडिउत्तरं किंचि काउमसमत्थो मोत्तूण तहेव सिलायले समुद्दियमोढणयं गओ सट्ठाणं ।
एत्थंतरंमि य समोसरिओ सहसंबवणुज्जाणे महावीरो । नाऊणं च सपोसहो चेव परिमियपरिवारो निग्गओ भगवंवंदणत्थं कुंडकोलिओ । उवविट्ठो य वंदिऊण । तयणुगुणं [च] धम्मदेसणं काऊण भणियं भगवया – 'भो भो ! गोयमाईया ! जहा कुंडकोलिएणऽज्ज पडिवक्खदेवो जुत्तीओ निरुत्तरीकओ [तहा] तुब्भेहिं वि पडिवक्खं पइ सजुत्तीएहिं होयव्वं' । तओ सव्वेहिं वि 'तह'त्ति भणिए गओ कुंडकोलिओ जाव महाविदेहे सिज्झिस्सइ ॥छ।६॥ जहा पुव्वलिगिओ सद्दालपुत्तो ॥ तं जहा -
पोलासपुरे जियसत्तू राया । तत्थ य सद्दालपुत्तो नाम कुंभकारो पंचण्हं कुंभकारसयाणमहिवई गोसालयभत्तो परिवसइ । तस्स य अग्गिमित्ता नाम भज्जा । परिग्गहमि तस्सेगा दम्मकोडी दसगोसाहस्सियं चेगं गोउलं । कयाइं च सो सद्दालपुत्तो अवरण्हासमए नियगिहासोगवणियाए गोसालगोवइटुं धम्मकम्ममायरेइ । तं चेगो देवो समागंतुं गयणत्थो [भणइ] – 'भो भो सद्दालपुत्ता ! कल्लमिहेव पोलासपुरे सहसंबवणुज्जाणे जिणो समोसरिस्सइ । सो य तए गंतुं वंदिऊण य कप्पणिज्जेणऽण्णाइणा निमंतियव्वो' । तं च सोउं चिंतियं सद्दालपुत्तेण – 'नूणं मम जिणो गोसालगो पभाए आगमिस्सइ' । पभायंमि य समोसरिओ सहसंबवणुज्जाणे महावीरो । पूरियं च देव-मणुएहिं समोसरणं । तं च सोउं सद्दालपुत्तो वि सपरियणो गंतुं उवविठ्ठो वंदित्ता । भगवया वि धम्मदेसणं काऊण साहिओ देवागमणवुत्तंतो सद्दालपुत्तस्स । तं च सोउं संजायपच्चओ सद्दालपुत्तो सहरिसं वंदित्ता भणइ – 'भगवं ! तुब्भे सपरिवारा वसहि-सेज्जासणाईहिं मं सपरिवारमणुग्गहेह' ।
तओ सामी पंचसु कुंभकारसयसालासु जहारिहं परिवारं बंधि(वंटि?)ऊण सयं विवक्खियपरिवारो ठिओ सद्दालपुत्तसालाए । तीए मज्झाओ कयाइ नीसारियाण अल्लभंडगाण सद्दालपुत्तो तावग्गि देइ । तं
सामी भणड - 'सबालपत्ता ! कहमेयाणि संपण्णाणि ?' सालपत्तो भणड - 'भगवं ! मदिया पाणिएण तीमिया लद्दिच्छाराइदव्वसंजोइया मग्गिऊण चक्के चडाविज्जइ । तओ बहूणि करय-घडाईणि भंडगाणि निप्पाइज्ज[ति' । ताहे भगवं भणइ – "किं एयं साणुट्ठाणं] संपज्जइ निरणुट्ठाणं वा ?' सद्दालपुत्तो भणइ – 'जेण जहा भवियव्वं तं तहा भवइ न अन्नहा' । भगवया भणियं – 'जइ तुज्झ कोइ भंडगाणि
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |