Page Text
________________
[२४७]
wwwwwwwwwwwwwwwwwwwwwwwwwwwww
तावऽहमणसणं पडिवज्जामि' । पभायंमि य सामिमाणो पडिवन्नो जहाचिंतियमणसणं ।
एत्थंतरंमि य तत्थेव समोसरिओ महावीरो । समाणंदियाए य धम्मदेसणाए समागया सव्वसत्तासम्मिया । भिक्खट्ठा पविट्ठो गोयमो य कोल्लागमज्मं । पडिगाहित्ता य पडिपुण्णं भत्तपाणं तत्तो निग्गच्छंतो बहुसो सुणइ जणं भासमाणं, जहा - 'धन्नो कयत्थो य महावीरसीसो आणंदसावओ जेण तवसोसियंगेणऽज्ज पोसहसालाए पडिवन्नं अणसणं' । तं च सोउं संजायदंसणेच्छो तहेवाऽऽगओ पोसहसालाए । दट्ठण गोयममागच्छमाणं आणंदो दूराओ चेव सीसे कयकरयलंजली भणइ – 'भगवं ! तणुयंगो त्ति नाऽहं समत्थो तुम्हंतियमागंतुं । ता तुब्भे चेवऽवत्थाकारणे मम सण्णिहिया होउं नियपाए वंदावेह' । तओ गोयमेण तहेव कए नियसीसमाणंदो तिण्णि वारे तच्चरणकमलेसु निहट्ट परमभत्तीए वंदित्ता गोयमं भणइ - 'भयवं ! किमुप्पज्जइ गिहत्थाणमोहिण्णाणं ?' गोयमो भणइ – 'समुपज्जइ' । तओ सहरिसमाणंदो साहेइ गोयमस्स पुव्वुत्तविसयमप्पणो समुप्पण्णमोहिनाणं । तं च सोउमदिण्णोवओगो गोयमो भणइ – 'सावय ! समुप्पज्जइ गिहत्थस्सोहिनाणं परं नेतावंतविसयं । ता तुममेयमसब्भूयभासणं मिच्छादुक्कडं दाऊणाऽऽलोएहि । जं मिच्छाभासणे तव पायच्छित्तमागच्छइ तं भावओ पडिवज्जसु' । तओ सोउमेवमाणंदो भणइ – 'भगवं ! जिणमए कि सच्चमवि भासियमालोइज्जइ ?' गोयमो भणइ - ['न चेव सावगा !' । तो आणंदो भणइ] - 'जइ एवं ता तुब्भेहिं चेव पमायपरूवणापयए कि पि [आलोएव्वं] । 'नवि मममप्पणो सम्ममालोएव्वं । मम पुण नत्थेत्थ विसए को वि संसओ' ।
तओ सोऊणेवमाणंदभासियं गोयमो असंकिओ वि भगवंतपुच्छणुक्कंठाए अदिन्नो [मिच्छा दुक्कडं] चेव निग्गओ पोसहसालाए । पत्तो सामिसमीवं । दंसिऊण य भत्तपाणं वंदित्ता पुच्छइ तमाणंदसाहियमोहिनाणविसयं । भगवया वि 'सच्चमाणंदसाहिय'ति वोत्तु भणिओ गोयमो - 'नियमणुवओगपरूवियं तुममालोएहि । गंतुं च सावयमाणंदं खा[मेहि]' । [तओ गोय]मेणाऽवि सम्म पडिवज्जित्ता सामिवयणं सव्वं तहेवा(व) [वव]सियं । विहरिओ य महावीरो सपरिवारो तओ देसंतरं । आणंदो वि वीसं वरिसाणि जाव सावयत्तणमणुपालित्ता मासं चाऽणसणं काऊण सोहम्मे कप्पे देवलोए अरुणाभे विमाणे चउपलिओवमाऊ देवो जाओ । तओ चुओ महाविदेहे सिज्झिस्सिइ छ। १ ।
जह [आणंदो तहेव] कामदेवो । तं जहा - __चंपानयरीए जियसत्तू नाम राया । तत्थ कामदेवो नाम भंडसालिओ । तस्स भद्दा णाम भज्जा । निहाणे कलंतरे वणिज्जंमि य पत्तेयं पत्तेयं छ दम्मकोडीओ । दसदसगावीसहस्साणि य छ गोउलाणि ।
इओ य तीए चेव चंपाए पुण्णभहुज्जाणे समोसरिओ महावीरो । निग्गओ य वंदणत्थं कामदेवो य सभज्जो धम्मं सोऊण सावओ जाओ। पालित्ता य चउद्दसवरिसाणि निक्कलंकं सावयत्तणं पण्णरसमवरिसे सयणजणसमक्खं जेट्टपुत्तं गिहसामियं काऊण सयं पविट्ठो पोसहसालाए धम्मज्झाणनिरओ चिट्ठइ ।
एत्थंतरंमि य सक्को सभागओ कामदेवं तहा दट्ठणं भणइ – 'अहो कामदेवस्स धम्ममि निच्चलया ! जो एयं केणइ तिहुयणजंतुणा चालेउं न सक्किज्जई' । तं च तहा सक्कपसंसमसहमाणो तुरियमेगो देवो जिणधम्मपच्चणीओ विगरालपिसायरूवं काऊण किलिकिलायमाणो खोहणत्थमागओ पुणो पुणो भणइ - 'भो कामदेवा ! जइ न छड्डेसि जिणधम्मं तोऽहं खग्गेणाऽणेण खंडखंडं काऊण तुमं भूयबलिं करिस्सामि' । न य सो खुब्भइ । तओ निरायं कुद्धो देवो देहखंडोहंडिं करइ । कामदेवो पुण वेयणत्तो वि न चलिओ
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |