________________
[२३७]
wammamariomommaamanawwammawww
[* तत्थ मओऽहं गंगाणईए गंतूण उत्तरे कूले । कासीदेसे वाणारसीए इब्भकुले जाओ | *] [* नामेणं रुद्दजसो, जोव्वणत्थो य जूयवसणपासंगी । परधणहरणपसत्तो, लोभेण हिंडामि असिहत्थो । *] [नगरीए विण्णाओ, पायडदोसि त्ति ताणमलभंतो ।] खारीयं नाम गओ विंझगिरिकुडुंबिणि अडवं ॥ विझगिरिपक्खित्तं एक्कद्दारविसमं गओ अहयं । पल्लिं तत्थ महल्लिं, सीहगुहं नाम चोरनिहिं ॥ साहस्सी चोराणं, पोसओ तहिं चोरसामिओ चोरो । पायडभडसत्तीओ, सूरो सत्तप्पिओ नाम ॥ तम्मूलं च गओ हं, धरिओ सम्माणिउं च तत्थेव । सुहडत्तणेण वि पिओ, जाओ सेणावइस्स खरं(चिरं) ॥ तत्थऽण्णया कयाइ य, कम्मं काउं गएहिं चोरेहिं । लद्धं तरुणमिहुणयं, तं चाऽऽणीयं सपल्लीए ॥ उद्दिटुं देवीए, पुव्वि चिय तरुणमिहुणयं आसि । सेणावइणो जाए, भिच्चेहि य दरिसिए तंमि ॥ मिहुणे तरुणी अच्छरसरिसी वि य कप्पिय त्ति काऊणं । सेणावइणा महिला, न कया कच्चाइणीभएणं ॥ चोरेहि य रयणाणं, पल्लीवइणो वरग्गहो दिण्णो । ता सेसेहि वि वित्तं, तरुणमिहुणसंतियं दिण्णं ॥ सेणावइवयणेण य, आणविओऽहं 'इमे उ नवमीए । कच्चायणीए जाए, महापसू दो वि कायव्वा' ॥ भणिओ य 'रक्खणीया, तए'त्ति नेउं मए वि ते दिट्ठा । बाहभरकिलिण्णच्छा, मरणभयपणट्रचेटा य ॥ बद्धा एगत्थ तओ, सपडालिं गओ ते नियंतोऽहं । मज्जं पिबामि मंसं, च खाएमि य जाव ता तरुणी ॥ सा विलवंती दटुं, तदन्नबंदीहिं सोयमाणीहि । कोड्डेण पुटुचरिया, जाइसरणाई साहेइ ॥ सोउं च तयं संजाय[जाइ]सरणो खणं गओ मोहं । पच्चागओ य सम्मं, निविण्णोऽहं विचितेमि ॥ 'जीवियमेसिं दाउं, परलोयहियं करेमि' काउं च । तं रयणीए चलिओ, पल्लिं न गओऽवराहि त्ति ॥
* अत्र पाठलुटितः संखित्ततरंगवईकहा-आधारेण पूरितः ।
