________________
[२३४]
wwwmmmmmmmmmmmmmmmmmmmmmmmmmmmNRNNNNNNNN vsNNNAuNewsMAN
बेमि य णं पंजलिया, - 'तरुवर ! धण्णो सिं तं कयत्थो य । जं ते इह छायाए, अच्छीय जिणो महावीरो" ॥ अच्चेऊण वडं तं, काऊण पयाहिणं च तिक्खुत्तो । पवयणमारूढा मो, कमेण पत्ता य कोसंबिं ॥ तत्थ वि कुम्मासवडे, विभूसिए सम्मुहागमिएहि । कयमंगलोवयारा, पवेसिया नयरमझमि ॥ अप्पकयदोसलज्जा-निजंतिया तो तेहिं अइगया मो । ससुरघरस्स विसालं, जणाउलं अंगणं रम्मं ॥ तत्थ य पच्छाऽऽयाओ, पिया वि मे घरिणि ! बंधवसमेओ । सत्थाहेण सहऽच्छइ, वरासणे; ताण य पएसुं ॥ पडिया अम्हे तेहिं वि, उवगूढा ओघि(अग्घि)या य सीसेसु । तो अम्मा-सासूहि, संसूहि सेसयाणं च ॥ विहिओ विहिकिच्चाणं, पाएसुं पडइ पेसवग्गो णे । धाई य पुव्वधरिय-बाहं मोच्छी य सारसिया ॥ तो ताय-ससुरयाणं, दिण्णं(ण्णे) मुहधोवणंमि कोड्डेणं । बंधूहि वयं पुट्ठा, उवविठ्ठा पुव्वसंबंधं ॥ तेसिं च कहइ रमणो, रमणिज्जं चक्कवायजायाइं । सव्वं जहाणुभूयं, जाविह पत्त त्ति सोऊणं ॥ रुणं जणेण ताओ, भणेइ - 'किं मे न पुव्वमिय कहियं ? । जेणाऽऽवई न होती, को चालेइ भवियव्वं तं ? ॥ तं सफलपुरिसकारं, चोरं काहामि आगमेऊणं । तुब्भं जीवियदाणे, जेणऽम्हं जीवियं दिण्णं' ॥ कुम्मासहत्थिणो उण, गुरुणो तुट्ठीए दाउ लक्खं तो । कारित्तु णे विवाहं, अणण्णसरिसं पुरवरीए ॥ दोण्हं पि णे कुलहरा, पीइनिरंतरसिणेहसंबद्धा । एक्ककुलं पिव जाया, समसहदुक्खत्तणगुणेण ॥ पंच य अणुव्वयाई, विहारिउं सह मए पिओ लेइ ।
ओगाढो य विसालं, जिणवयणसुयं अमयभूयं ॥ सव्वमणोरहरयणं, पूरियं च पुण्णे मणोरहंमि मए । उज्जमियं जहभणियं, तं वयमायंबिलट्ठसयं ॥ भणिया य मए चेडी, – 'जइया पियसंगया [गया] अहयं । तइया किमेत्थ वित्तं ?', सा भणइ – 'सुणेह; साहेमि' ॥ 'गंतु तुहाणसणं(तुह पासाओ), भवणे वक्खित्तपरियणो(णे) घेत्तुं । रयणकरंडयमाया, तत्थाऽदठूण य विसण्णा ॥
