________________
[२१५]
www
पवि(इ)ट्ठावित्ता महादेवं बुद्धं आराहेंता सव्वे सि(वि), ता मुंचामि' । पडिवज्जिउं चेमं पाणभएण पइट्ठिओ सो महादेवो नाम ९ । तओ य सिवं जायं । तेण य पसिद्धो सो सिवो नाम १० । कालं काऊण उमावई गओ तइयनरयपुढवीए । तओ उव्वट्टित्ता इहेव भरहखित्ते आगामिउस्सप्पिणीए एक्कारसमो मुणिसुव्वओ नाम तित्थयरो भविस्सइ ।
सुण्णीकयाए य महेसरेण वेसालीए पविट्ठो कूणिओ । तेण य पुव्वमेव पइण्णा विहियाऽऽसि जहा - 'मए जोत्तियगद्दहेहिं हलेहिं वेसाली खणावियव्वा' । तं च पइण्णं पूरिऊण कूणिओ चंपंमिक्कं(क्को) चिय रज्जं जइ । पज्जोओ य साउक्खएण मरिऊणुववण्णो जोइसिएसु । सिवा-सुजेट्ठा-चेल्लणाओ पुण देवलोगं गय त्ति ॥छ। पज्जोय-सिवा-सुजेट्टा-चेल्लणा-महेसर त्ति गयं ॥छा। अह चेल्लणा व्व पइणा परिणीया चोरिउं तरंगवई । तेण तरंगवईकहा भण्णइ, तं संपयं सुणह
अत्थीह जंबुदीवे, भारहवासंमि मागहे देसे । वीरजिणसासणरओ, रायगिहे कूणिओ राया । तस्साऽऽसि नगरसेट्ठी, सुसावओ सच्चपयई मणकंतो । धणपालो सुपसिद्धो, तस्सा चिय निवसइ गेहे ॥ बहुसिस्सिणीण गणणी, एक्कारसंगसंपुण्णधारिया । सुव्वया नाम [अज्जा], तेसी य तरंगवई सिस्सी ॥ छट्ठस्स पारणयस्स, दिवसे समणखुड्डीए सहिया । भिक्खत्थं तत्थ हिंडंती, [कयनियमावस्सया काले] || किं चि धणड्डयगेहं, परिवाडिपडियमइगया सा य । पेच्छिज्जइ तंमि ठिया, घरमंदिरजुवइवंदेहिं ॥ भण्णइ य - 'अहो रूवं' !, तं च सुणेऊण निग्गया घरिणी । समुचियवेसा दटुं, तुट्ठा य सखुड्डियं अज्जं ॥ भत्तीए वंदित्ता, तीसे रूवगुणकोउहल्लेण । विम्हयपुलइयगत्ता, सा घरिणी भणइ [तं] अज्जं ॥ 'अम्ह पसीयह अज्जे ! जइ ते नत्थि नियमस्स अवरोहो । ता परलोयसुहावहमिह धम्मकहं परिकहेह ॥ तो भणइ तीएँ भणिया, – 'अज्जा ! नत्थेत्थ कोइ उवरोहो । जं धम्मो सुगुणो च्चिय, दोण्ह वि भणंत-सुणंताणं ॥ ता तं सुणेह साहेमि'; सोउमेवं च हरिसिया घरिणी । उचियासणेसु वंदिय, दो वि निवेसेइ अज्जाओ ॥ तत्तो सह सेसाहिं, बुवईहिं वंदिउं तरंगवई । घरिणी निविसइ पुरओ, कयंजली कोट्टिमतलंमि ॥ तो साहिउं पयत्ता, सव्वजगसुहावहं जिणाणुमयं । जर-मरण-रोग-जम्मण-संसारविणासणं अज्जा ॥
