Page Text
________________
[२१४]
w
wwware
विज्जा)संजुओ ? तुममेवं वामोहित्ता कालसंदीवो महावीरपायमूलं गओ' । संकरेण वि तत्थ गंतु सो मायाए खामिओ निब्भयचित्तो य नीसरंतो समोसरणाओ झड त्ति खद्धिओ लवणसमुद्दमझेण पविसंतो पायालं मारिओ । एवं विज्जाहिं परमसमिद्धो सो महेसरो नाम जाओ ५ ॥ अवि य -
अणिमा महिमा लघिमा गरिमेसित्तं वसित्तमचलत्तं ।
कामगमित्तमिमेहिं सिद्धत्थ(??)गुणेहिमीसरियं ॥ तिसंझं च महेसरो सव्वतित्थयरे वंदित्ता नटुं च विहित्ता पच्छा तरुणरमणीओ अभिरमइ । सओ य खाइयसम्मद्दिट्ठी वि मिच्छदिट्ठीणं पओसमावन्नो त्ति बंभणकन्नगाणं रिसिकन्नाण य निच्चं सयं सयं बला विद्धंसेइ । तहऽन्नाओ वि वरविलयाओ एवं चाऽदिन्नाओ(विवाहित्ताओ?) वि रमणीओ रममाणो सो हरो नाम जाओ ६ ।
तस्स य दो सीसा - नंदीसरो नंदी य । पुष्फयविमाणारूढेण य महेसरेण मायामहपक्खवाइणा कूणियभंगं दटुं समुद्धरिओ तया सव्वो वि वेसालीजणो नेउं नीलवंतंमि धरिओ त्ति ॥छ।
बहुसो य महेसरो गंतुमुज्जेणि पज्जोयस्संतेउरे सिवं मोत्तूण सेसदेवीओ विद्धंसेइ । पज्जोओ य तस्स पकुप्पंतो विवित्तसभागओ सखेयं भणइ – 'को उवाओ जेणेसो विणासिज्जइ ?' | इओ य पज्जोयस्स उमा नाम गणिया अईव रूववई नियगिहतियं गयणेणाऽऽगच्छंतस्स महेसरस्साऽऽवज्जणत्थं मत्तवारणगया निच्चं धूयं उप्पाडेइ । तीए य रण्णो सखेयं वयणं सोऊण भणियं - 'अहमेयस्स कज्जस्स समत्था' । रण्णा वि सोउमेवं विसेसेण सम्माणिया सा ।
तीए वि विसेसओ वियड्डजणोचिएहिं कामभावेहिं वामोहित्तु दरिसियं महेसरस्स नियकरदुगमहियं वियसिय-मउलियं कमलदुगं । तेणाऽवि वियसियस्स पसारिओ हत्थो । तीए वि 'मुद्धकण्णाओ तुमं रममाणो मउलियकमलस्सेव जोग्गो न उण वियसियकमलसरिच्छाणं सुरमणीणमम्हारिसीणं'ति भणंतीए पणामियं तस्स मउलियं कमलं । सो वि तं सोऊण समक्खित्तचित्तो पविट्ठो तव्वासभवणं । जाओ संभोगो। कओ विसेसेणोमाए हयहियओ त्ति गओ सो पसिद्धिमुमावई नाम ७ ।
एवं च निच्चं पइ तत्थेव वसंतमण्णंमि दिणे गाढरइवसागयहरिसरभसं सा तं पुच्छइ - 'काए वेलाए तुह देवयाओ ओसरंति ?' तेण भणियं - 'जया तुमं सेवामि तया वसभरूवं काउं मम पासे चिटुंति । तेणाऽहं पसिद्धो वसहंको नाम ८ ।' तओ तीए नायपरमत्थाए सिटुं रण्णो । तेणाऽवि निउत्ता तग्घायगपुरिसा । तओ तीए 'कहमहमुव्वरिस्सामि'त्ति भणंतीए गुणमियपुरिसेहिं अन्नस्सोल्लरियस्सुवरिधरियतणमेत्ताइछिंदणेण लहुहत्थयं दरिसिऊण ‘एवं रक्खिस्सामो'त्ति भणंतेहिं दिन्नो भरोसगो । तओ सा वीसत्था गया नियभवणं । घायगपुरिसा वि तप्परोक्खं भणिया पज्जोएण - 'उमाए चेव सह सो मारियव्वो। अण्णहा ससंकं घायंताणं कहं वि खलियं पि होज्जा' ।
ते य घायगा तंमि अणागच्छंतए चेव पच्छण्णं गंतुं ठिया उमाए वासभवणे । तओ समागओ संकरो। पारद्धो तीए सह सुरयं । तहेब मारिओ घायगेहिं । ताहे नंदीसरो ताहि विज्जाहिं अहिडिओ आगासे पव्वयं विउव्वित्ता पज्जोयं भणइ – 'रे दास ! मओ सि' । ताहे सनागरो राया सिणाणोल्लसाडगो ‘खमाहि एगावराह'ति विलवंतो तेण भण्णइ – 'जइ एवं चेव सच्चइस्स जोणिमज्झपविटुं लिंगं देवउलाईसु
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |