Page Text
________________
[१९३]
awar
कविठ्ठपुरे बंभणस्सेगस्स दुहिया सोमा नाम । तीसे य सही वाणियस्सेगस्स धीया जिणदासी नाम। सा य साहुसगासे घेत्तूण वयाणि साविया जाया । तओ सोमं भणइ - 'तुमं पि साविया होहि' । जाया य सुस्साविया सोमा मट्टियाए पच्चक्खाणं करेइ । विवाहिया य सा गामे । समयंमि य गब्भवईए जाओ सोमाए दोहलो - जह मट्टियं खामि' । तं चाऽकुणंती सा दुब्बलीहूया । पुच्छिया य सासूए - 'पुत्ति ! किं से (भो !) दुब्बलिया ?' सा भणइ – 'मट्टियाए दोहलो' । सासू भणइ – 'कीस न खासि?' सोमा भणइ - 'पच्चक्खायं' । सासू भणइ - 'किं कीरइ पच्चक्खाणेणं ? जओ न तारिसो दोसो पच्चक्खाणभंगे जारिसो [दोहलयभंगे] । [सा] भणइ – 'पाणच्चाए वि न मट्टियं खामि' ।
एवं च गाहलग्गाणं वि सासू-ससुराईणं जाहे न मन्नइ ताहे ससुरो सोमं घेत्तुं गओ पेइयं । कविठ्ठपुरस्स य हेट्ठा तया नई अताघा वहइ । तीए य धरिया जाव अच्छंति ताव '[सोम'त्ति] भणइ (भणंती) अंबर(अवर)कूले कह वि नगराओ आगया जिणदासी । परोप्परदरिसणेण तासिं जाओ चुल्लालावो । तओ सोमा पियवयंसियाए विओयमसहमाणी ससुरं भणइ - 'उत्तरामो नई' । सो भणइ - [कहं] हिडिज्जिहामो ?' सा वि – 'जं होइ तं होउ, तहा वि गंतव्वं'ति वोत्तुं परावर्तिती नमोक्कारं पविट्ठा जमि ठाणे तट्ठाणाओ च्चिय वंकवलणेणं गया मग्गंतरं नई । मिलियाओ य सोमाजिणदासीओ । पविट्ठाओ नयरं । सोमानिमित्तनईवंकट्ठाणे य पइट्ठियं लोएण सोमावंकं नाम तित्थं जमज्ज वि सेविज्जइ धम्मत्थीहिं । तं चाऽइसयं दर्दू बहुलोगेण सहाऽहं पडिवन्ना जिणधम्मं । तेण गाएमि । ता तुमं पि सम्मं नच्चसु' ।
___ अमया भणइ - 'तुम पि चप्फलिया । भणेउ वा तरुणी जइ किंचि दिटुं' । सा भणइ - 'भगिणि! मए वि दिटुं नमोक्कारफलं जेणुद्धरिओ सोम व्व अज्जुणगो त्ति ॥छ। सोम त्ति गयं ॥छ। अज्जुणगकहा भण्णइ -
वसंतउरे नयरे जियसत्तू राया धारिणी से महादेवी । तीसे पुत्तो धारो नाम अईव वल्लहो रण्णो। नगरस्समीवे नई गुग्गुलंतसद्दाला पाउसपढमे सूरे उम्मिसहस्ससंकिण्णा । तं दट्ठण वहति रन्ना संजायकोउहल्लेणं 'संतेउरो करिस्सं जलकीलमिहंति चित्ते ठियं । तं च सया वि कुणंतो नईपूरोपरि दवावियं जालं लोहमयं नईतडिदुगनिक्खयखीलेहिं दढबद्धं चडिओ जहातह च्चिय कीलंतो लेइ दट्ठमाणीयं नईपूरेण रुइरं राया विज्जउरयदुगं । सो देइ सुयस्सेगं । तो पुण देइ तस्स बीयं पि मग्गंतस्स । मग्गंतो तह वि जा, ता रण्णा भणिया नियपुरिसा – 'अरे ! एयाए नईए तडतडेण गंतुमेएसिमुप्पत्तिठाणं जाणह। तेहिं पि गवसंतेहिं दूरे दिट्ठो नईतीरत्थो पागारपरिक्खित्तो माहुलिंगारामो । तंमि य तेसिं पुरिसाणमद्धेल्लया पविट्ठा । सेसा बहिं ठिया । जे य पविट्ठा ते बाहिं पक्खित्ता(त्त)मेत्तमाहुलिंगा चेवाऽऽरामवासिणा विणासिया किलिकिलंतजक्खेणं । बहिट्ठिया ताण घेत्तूणाऽऽगया जहावत्तं साहिति रन्नो । तेणाऽवि बुद्धिविसेसओ मेलियसयलनयरलोएणं घरं घरा परिएसो काउं लिहाविया सव्वे पुरिसा पत्तए । जस्स य पत्तगमुद्रुइ सो पविसिऊणाऽऽरामे माहुलिंग खिवइ । बहिट्ठिओ उण आणेइ ।
__ एवं वच्चंते काले तत्थाऽऽगओ देसंतराओ एगो चित्तयरसावगो । सो य तत्थेव निवसंतस्स अल्लीणो थेरपुत्तयचित्तयरस्स । तं भणइ - 'पसायं काउं साइसयं चित्तयम्मं सिक्खवेहि' । थेरीपुत्तेण भणियं - 'करिस्सं सोहणे दिणे सिक्खारंभं । संपयं जहऽब्भसियं चेवाऽऽलिहतो चिट्ठसु' । सा य थेरी निच्चं पभाए रोयंती पुच्छिया अज्जुणगेण – 'अम्मो ! कीस रोवसि ?' साहियपरमत्था य थेरी भणइ
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |