Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 209

[१९२]]
- 'भगिणि ! दिटुं नमोक्कारफलं मए जेण रुप्पखुरो व्व नित्थरिया जयसेण त्ति ॥छ। रुप्पखुरो त्ति गयं ॥छ। जयसेणाकहा भण्णइ -
___ अत्थि अवंतीजणवए उज्जेणीनयरीए जियसत्तू नाम राया । धारिणी से महादेवी । तहा तत्थेवोसहदत्तो नाम सेट्ठी । तस्स य जयसेणा नाम साविया । सा य अपुत्त त्ति चिंताओसो(चिंताउरो) सेट्ठी। तं च लक्खिय जयसेणाए सयमेव वरित्तु परिणाविओ सेट्ठी सुंदर नाम सवक्किं । तीसे य कालेणं जाओ पुत्तो । तओ तुट्ठो सेट्ठी । सुंदरीमाया य नियधूयाए निस्सावक्कयमिच्छंती विज्जासिद्धं ढेड्डमुवयारेणोलग्गइ । भणियं च -
जो होइ गेण्हियव्वो तं पुव्वं आमिसेण गेण्हाहि ।
आमिसनिद्धो काही [सव्वं] कज्जं अकज्ज वा ॥ ताहे ढेड्डो भण्णइ – 'जयसेणं विणासेहि' । तओ तेण कालपक्खचउद्दसीए रत्तिं मसाणं गंतूणं [उ]ढविओ मंतेहिं मडओ । भणियं च – 'खग्गं गहाय जाहि जयसेणं विणासेहि' । तओ सो गहियखग्गो वेयालो पत्तो भीसणसदं कुणंतो । जयसेणा वि तद्दिवसं पोसहिया तं पासिऊण भीया पंचनमोक्कारं परावत्तेइ। तप्पहावेणाऽपहावेंतो य तीसे वेयालो गंतुं पडिओ ढेड्डमूले । तेणाऽवि 'न मारिय'त्ति नाउं पुणरवि मंतबलेणुट्ठविऊण पेसिओ जाव तहेवाऽऽगओ । एवं तइयवेलाए वि । तओ भणिओ ढेड्डेण - 'जं किंचि पुरओ पेच्छसि तं चिय मारेज्जसु' । गओ य जाव वेयालो ताव तव्वेलाए नीसरिया सुंदरी सरीरचिंताए । तओ तं चिय मारेइ । दटुं चेमं जयसेणा 'हा कहमजसो ममाऽऽगओ ? ता भयवइ ! सासणदेवए ! ममोवसग्गमिममवणेहि'त्ति चिंतिय ठिया काउस्सग्गेण ।
___ पहाए य किंचि तत्तिगवेसणत्थमागयाए दिट्ठा विणट्ठा मायाए सुंदरी । तओ सा 'खद्धा खद्ध(?)'त्ति विलवंती गया राउलं । पुच्छिया य 'किं?' ति रण्णा भणइ 'सवक्किवेहएणोसहसेट्ठिभज्जाए जयसेणाए माराविया [मम पुत्ती सुंदरी]' । सोउं चेमं रन्ना तत्थेवाऽऽणाविया जयसेणा । भणिया य - 'ववसियमइरुदं कम्म' । सा वि नमोक्कारपरा तुन्हिक्का चिट्ठइ । तओ राया देवयाभिओगओ पलोइत्तु तीसे नयणवयणविसरे 'नेयारिसी इमस्स कम्मस्स कारिणित्ति चिंतेंतो भणइ – 'तुहाऽभयं । साहेसु सब्भावं' । तहा वि मोणत्थाए जयसेणाए देवयाभिओगओ च्चिय भणियं रण्णा – 'भो ! गवेसह तं खुद्दविज्जासिद्धियं ढेड्डे' । गवेसिंतेहि य पुरिसेहिं दिवो सो मसाणे च्चिय थंभिओ देवयाए । आणीओ य पच्छिओ तत्तो रन्ना - 'कहेहि सब्भावं' । ताहे तुण्हिक्को चिट्ठइ ढेड्डो । तओ ताव पिट्टाविओ कसेहिं जाव साहिओ सब्भावो । तओ सव्वस्सहरणं काऊणाऽऽणत्ता निव्विसयं सुंदरिमाया । ढेड्डो पुणाऽऽणत्तो वज्झो । परं जयसेणाए पसायं मग्गिऊण दवावियं तस्साऽभयं । जयसेणा वि रन्ना - 'भगिणी तुमं ममऽज्जप्पभिई । ता सुहंसुहेण चिट्ठसु'त्ति वोत्तुं पूजित्ता य विसज्जिया गया सगिहं । दटुं चे मए पडिवण्णो जिणधम्मो । तेण गाएमि । ता तुमं पि सम्मं नच्चसु' ।
अमया भणइ - 'चप्फलिया तुमं जा ममेवं वुब्भाविउमिच्छसि । अण्णहा भणउ वीहिणी जइ किंचि दिटुं' । सा भणइ – 'भगिणि ! मए वि दिटुं नमोक्कारफलं जेण नित्थरिया जयसेण व्व सोम त्ति ॥छ। जयसेण त्ति गयं ॥छ। सोमाकहा भण्णइ -