Page Text
________________
[१७७]
संजायजाईसरणो झूरिउमाढत्तो - 'अहो मए पत्तो वि जिणधम्मो कहं पमायओ हारिओ जेणढे दडुरो जाओ? ता संपयं पि किंपि उज्जमामि'त्ति संपहारिय सुहाणुट्ठाणो निरंतरं छटुं छद्रुणोववासित्ता 'भोयणाइनिमित्तागयएहि मए पारियव्वं'ति जावज्जीवं कयाभिग्गहो कालं गमिउमाढत्तो ।
अन्नया तत्थेव गुणसिलए उज्जाणे समोसरिओ महावीरो । तव्वंदणत्थं पुक्खिरिणी समीवमग्गेणं वच्चमाणजणाओ 'महावीरो समोसरिओ'त्ति सोउं संजायवंदणपरिणामो चलिओ नंदद(रो । एत्थंतरंमि य भगवंतवंदणत्थं सबलवाहणो तेणेव मग्गेण निग्गओ सेणिओ । तस्स य एगेणाऽऽसकिसोरेणं वामपाएणऽक्कतो सो नंददइरो । तओ कंठगयपाणो तत्थ ठिओ चेव महावीरं वंदित्ता समाहीए मरिऊणुववन्नो सोहम्मे कप्पे दहरवडेंसए विमाणे दड्रंको नाम देवो । दिन्नोवओगो य गुणसिलगमागंतुं भगवंतमभिवंदिऊण जहा सूरियाभो तहा नट्टविहिमुवदंसित्ता गओ सट्ठाणं ति ।
तओ भणियं गोयमेण – 'भगवं ! को एस देवो ?' भगवया वि कहिओ नंदमणियारवुत्तंतो जाव दद्दुरदेवो जाओ । तओ चुओ महाविदेहे सिज्झिहिइ त्ति ॥छ।। नंदमणियारसेट्ठि त्ति गयं ॥छ।।
नंदमणियारसेट्ठिसामिणो य सेणियस्स पुणो सक्केणं पसंसिए सम्मत्ते तप्परिक्खणत्थमागओ ददुरदेवो । सो य जत्थ सेणिओ पेच्छइ तत्थ तडागट्ठिओ चेल्लयरूवं काऊण मच्छे बंधिउमाढत्तो । तओ तं दट्ठण भणियं रण्णा – 'चेल्लुगा किमसमंजसं कुणसि ?' चेल्लगो भणइ – 'अनिव्वहंतो' । रण्णा भणियं - 'अहं तुमं निव्वाहिस्सामि' । सो भणइ – 'नाऽहं मंसं विणा निव्वहामि' । तओ रन्ना तहेव अचलियधम्मभावेण निव्वाहिज्जंतो दद्दरदेवो तं रूवमवसंहरित्ता विलासिणीविलासविब्भमं गब्भुब्भडसाहणीरूवं काऊण सेणियस्स पुरओ चलिउमाढत्तो । तओ भणियं रण्णा - 'भयवइ ! किमत्थमेवं लहसि ?' तीए भणियं - 'नत्थि मम कोइ पडिजागरिगो' । तओ पवयणपक्खवाइणा रण्णा 'सव्वमहं करिस्सामि'त्ति वोत्तुं जहा कोइ न जाणइ तहा पच्छन्नमोव्वरए धरिऊण सवं चेव कयं तीए सूयापडिकम्मं ।
तओ तं दद्रुण तुट्ठो देवो 'सुलहं ते जम्म-जीवियफलं जस्सेरिसो धम्मे थिरपरिणामो' । तओ दिव्वरूवधारी होऊणं आगासत्थो सेणियस्स पुरओ ठिओ साहिऊण नीसेसं सक्कवुत्तंतं 'अमोहं देवदरिसणं'ति काउं दिव्वमट्ठारसवंकं हारं तहा मज्झट्ठिएणं दिव्वेणं कुंडलजुयलेणं खोमजुयलेण य संजुत्तं लक्खामयं गोलगदुर्ग दाऊण सेणियस्स देवो गओ सट्ठाणं ति ॥छ। दहुरदेवो त्ति गयं ॥
जावइयं च सेणियस्स सव्वस्स रज्जस्स मोल्लं तावइयं ददुरदेवदिण्णऽट्ठारसवंकहारस्स सेयणगगंधहत्थिस्स य मुल्लं । तओ सेणिएण पियत्तणओ चेल्लणाए दिनो सो देवहारो । तहा सुनंदाए दिन्नं तं लक्खामयं गोलियादुगं । तओ तं दट्टण कुविया सुनंदा 'अहो ! बालकस्सेव रण्णा ममेदं खेल्लणयं दिण्णं । तओ कोवेणं गोलियादुर्ग पि रा(आप्फा?)लेंतीए अब्भिट्टमंतरालखंभे फुटुं च । तत्थेगाओ गोलियाओ नीसरियं दिव्वं कुंडलजुयलं [अन्नाओ य दिव्वं वत्थजुयलं] । तओ तुट्ठा सुणंदा ताणि गिण्हइ । चिल्लणा सुनंदाए देवीए तं दिव्वं कुंडलजुयलं देवदूसजुयलं च हत्थगयं पासिऊणं सेणियं भणइ – 'देहि एयाणि में' । सेणिएण भणियं - 'तुज्झ मए दिव्वो हारो दिन्नो । नंदाए पुण लक्खामया गोलगा । तं जइ से अत्तणो पुण्णेहिं कुंडलजुयलं वुत्तं तो किं एईए अवहरियव्वं ?' चेल्लणाए भण्णइ – 'जइ न ममेयाणि देसि ताऽहं जीवियं चयामि' । सेणिएण भणियं - 'जं ते रुच्चइ तं करेहि' । ततो सा एवमवमन्निया रोसवसगया सेणियसगासाओ उठेऊणं आरूढा पासायं । तत्थ य गवक्खे चडिऊण अप्पाणं जाव 'मुयामि'त्ति
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |