Page Text
________________
पुच्छिओ अभयकुमारो । तेणाऽवि 'संपयमेयस्साऽईव पावोदयं ति नाऊण भणियं 'पाइज्जउ एसो खालोदगं, विलिंपिज्जउ विट्ठाओ, खाविज्जाउ कुहियकद्दमं' । तओ पालगेणं तहेव किज्जंते महाकिलेसेण मरिऊणं गओ सत्तमनरयपुढवीए ।
-
[१७६]
तओ परियणेणं कालसूयरियस्स पए पालगो निवेइज्ज्तो भइ 'नाऽहं नरगं गंतुकामो' । ते भणंति 'अम्हे विहंजित्ता सव्वं पावं गेहिस्सामो । तुह पुण एक्कस्सेव महिसस्स पावं भविस्सइ' । ! तओ सो सोउमेवं तेसिं पडिबोहणत्थं सत्थेण अप्पाणं आहणित्ता पडिओ विलवंतो सयणिज्जए भण 'एयं मम दुक्खमुवट्ठियं । ता तुब्भे विहंजित्ता गेहह' । ते भति 'न कस्सइ दुक्खं घेत्तुं तीरए' । पालगो भइ 'जइ एवं ता किं जंपह सव्वं पावमम्हे विहंजित्ता गेहिस्सामो ?' सोउं चेमं सुलसपरियणो सव्वो वि संबुद्धो जाओ सम्मद्दिट्ठी जहा बीओ दद्दुरदेवो, जो पुराऽऽसी नंदमणियारसेट्ठि त्ति ॥छा
-
-
-
नंदमणियारकहा भण्णइ
इहेव जंबुद्दीवे भारहे वासे रायगिहे नगरे सेणिओ राया । सव्वनयरप्पहाणो समिद्धो नंदो नाम मणियारसेट्ठी । सो य कयाइ रायगिहाओ बाहिं गुणसिलए उज्जाणे समोसरियं महावीरं नाऊण धम्मत्थी कोउगेण य गओ वंदणत्थं । वंदिऊण य निसन्नो पुरओ । भगवया वि कया पडिबोहप्पहाणा देसणा । तओ तं सोउं नंदो सुस्सावओ जाओ ।
—
-
अन्नया कयाइ तिरत्तोववासिओ पोसहं घेत्तूण पोसहसालाए पविट्ठो नंदसेट्ठी सज्झायं काउमाढतो । तत्थ य तइयरत्तीए तण्हाए छुहाए य अभिभूओ चिंतेइ 'धन्ना ते गिहत्था जेहिं कारावियाणि विमलसाउसलिलपुण्णाणि वावी - कूव - पुक्खरिणी - सरोवराणि । तहाऽहमवि जइ पसाइस्सए एसा रयणी कुसलेण ता रायाणमापुच्छित्ता पुक्खरिणीं खणाविस्सामि' । तओ पहायाए रयणीए पारित्ता पोसहं कयपारणओ पाहुडं घेत्तुं गओ सेणियसमीवं । समप्पियपाहुडो य विन्नवे 'सामि ! पुक्खरिणीमहं काराविउकामो, ताऽणुजाणह कहं(हिं) पि पएसं' । तओ प्प (र) ण्णा 'जहा पडिहा [इ] 'त्ति समणुन्नाएण नंदसेट्ठिणा नगरबाहिं खणाविया नंदपोक्खरिणी तीए य चाउद्दिसि पि निम्मवियाणि सयलकुसुम - फलसमिद्धाणि रमणिज्जाणि वणसंडाणि । तओ पुव्विल्लवणसंडमज्झे कराविओ णेगथंभसयसंनिविट्टो विचित्त (विविहचित्तक) म्मो महामंडवो । तंमि य पक्खित्तेसु बहुविहसयणिज्जासणेसु वीसमंति बहवे पाहिय - कप्पडियादओ । वहइ य तेसिं भत्तपाणोसहाइतत्ति नंदसेट्ठी । सलाहिज्जइ य सो ण्हाणपाणाइनिमित्तं पुक्खरिणीसमागयजणेणं ।
एवं च काले वच्चंतंमि नंदि (द) सेट्ठिस्स पाउब्भूया सोलस रोगायंका । तं जहा कासो १, सासो २, जरो ३, दाहो ४, कुच्छिसूलं ५, भगंदरो ६, हरिसा ७, अजीरत्तं ८, दिट्ठिसूलं ९, सीससूलं १०, अरोयओ ११, अच्छिवेयणा १२, कण्णवेयणा १३, कंडू १४, जलोदरं १५, कोढो १६ त्ति । पीडिओ य सोलसेहिं वि इमेहिं रोगायंकेहिं नंदसेट्ठी. नयरंमि पडहयं दवावेइ घोसावेइ य 'जो नंदसेट्ठि सोलसरोगायंकेहिंतो पउणीकरेइ तस्स जम्मग्गियमत्थं देइ' । तं च घोसणं सोउं बहवे समागया टिवा (विज्जा) - रिया । पउत्ता नियनियविहीओ । तहा वि न पउणीहूओ नंदसेट्ठी । तहावत्थो य सो नंदो पुक्खरिणीए उवरिं गाढं मुच्छिओ मरिऊणुववन्नो तीए चेव पुक्खरिणीए दद्दुरो । संपत्तजोव्वणो य ण्हाणाइनिमित्तमागयलोयाओ ‘धन्नो नंदमणियारसेट्ठी जस्सेरिसा पोक्खरिणित्ति जंपियं बहुसो सुणंतो पुव्वसुयपरिवायसुमरेण
-
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |