Page Text
________________
[१७४]
AAAAAAAAAAmmmmmmmm
य चंद-सूरा भगवओ वंदगा सविमाणा ओइण्ण त्ति वड्डिओ दिवसो । कप्पो य एसो तित्थयराणं जं दिणस्स पढम-चरिमाओ पउणपोरिसीओ जाव देसणा कीरइ । तहा वि तया सामिणा मिगावईए तव्वियारेणं चिय केवलुप्पत्तिं तदन्नेसिं च पाणीणं पुण्णं पेच्छंतेण नोवसंहरिया देसणा । तीए य समाक्खित्तचित्ता मियावई दिवसो त्ति मण्णंती चिरं ठिया । सेससाहुणीओ उण तित्थयरं वंदिऊण पडिगया । [इओ य पडिगया] चंदसूरा । तओ हूया रत्ती । तओ मियावई वि समागया अज्जचंदणासगासं । तीए सपरिवाराए पडिक्कंतो । तओ मियावई आलोइउं पवत्ता । अज्जचंदणा भणइ - 'कीस अज्जो ! चिरं ठिया ? किं जुत्तं नाम उत्तमकुलप्पसूयाए एगागिणीए एच्चिरं अच्छिउं ?' । तओ सा भावेणं 'मिच्छादुक्कडं'ति भणमाणी अज्जचंदणाए पाएसु पडिया । अज्जचंदणाए य वेलाए संथारं गयाए निद्दा आगया । मियावईए वि तिव्वसंवेगमावन्नाए पायवडियाए चेव केवलनाणं समुप्पण्णं । सप्पो य तेणंतेणाऽऽगओ, अज्जचंदणाए य संथारगाओ हत्थो ल्हसिओ । तओ मियावईए ‘मा खज्जिहि'त्ति सो हत्थो संथारगं चडाविओ । सा विउद्धा भणइ – 'किं अज्जे ? अज्ज वि तुमं अच्छसि । मिच्छामि दुक्कडं जं निद्दापमाएणं न पट्टवियाऽसि' । तओ मिगावई भणइ – 'एस सप्पो खइस्सइ त्ति तुह हत्थो संथारए चडाविओ' । सा भणइ – 'कहिं सो सप्पो ?' मिगावई भणइ - ‘एस जाइ' । अज्जचंदणा अपेच्छमाणी भणइ - 'अज्जे किं ते कोइ अइसओ ?' सा भणइ – 'अत्थि' । अज्जचंदणा भणइ – "किं [छाउमत्थो] केवलिओ वा ?' मिगावई भणड - 'केवलिओ' । तओ अज्जचंदणा पाएस पडित्ता भणइ - 'मिच्छा मि दुक्कडं, केवली आसाइओ'त्ति [तीए वि केवलनाणं जायं] ॥छ। मियावइ त्ति गयं ॥छ।
मियावईपइप्पिओ य पुव्वुत्तो सेडुयगभट्टो कोसंबीओ निग्गंतुं परिब्भमंतो पत्तो रायगिहं । तत्थ य पउलीदेसे रायगिहा नाम जक्खिणी । तीसे य पुत्तोवाइओ लोगो एंतओ बहुं विरएइ बलि-बक्कुलाइयं । रक्खवालो य तत्थ निम्भिच्चो नाम । सेडुवगो वि जीवणोवायमण्णमपेच्छमाणो [तं चैव समस्सिओ। ताहे य भगवं महावीरो तत्थ समोसरिओ त्ति तद्देसणं सोउं सो रक्खवालो सेडुवगं नियगणे निउंजित्ता गओ। पउलीए उवविट्ठो य एसो वि छुहापीडिओ तं सव्वं बलि-बक्कुलाईयं खाइउमारद्धो । आकंठं परिभुत्तान्नत्तणओ गिम्हतावेण य सो अईव तिसाभिभूओ संजाओ । तओ कत्थ वि पाणियमपेच्छमाणो] निम्भिच्चभएण पउलिममुंचमाणो पाणियाभावेण तिसाभिभूओ मरित्ता तत्थेव समवसरणासन्नवावीए दहुरो जाओ ।
तओ सोऊण भगवंतदेसणाधणि संजायजाइसरणो वावीओ महावीरवंदणत्थं उप्फिडितो चलिओ रायमग्गेणं । तओऽणेण चेव मग्गेणं सेणियस्स वि भगवंतवंदणत्थं गच्छमाणस्सेगेणाऽऽसकिसोरेण विक्खिल्लिओ खुरेण सो । अओ मुहुत्तवसाएणं सोहम्मे देवो जाओ । गओ अ सक्कसभं ।
एत्थंतरंमि य गुणाणुरागित्तणओ सक्को भणइ - 'न सेणियसमो अवरो को वि दढधम्मो संपयमत्थि' । सोउं चेमं परिक्खणत्थं समोसरणमागओ दडुरदेवो । उवविठ्ठो महावीरंतिए संवइ(अच्चइ) य भगवंतचरणे गोसीसचंदणच्छडाहि । दरिसेइ य देवमायाए सेणियस्स कोढियनियसरीरुत्थियकोडियाहितो निग्गएण पूयरसेण [अच्चेंतो । तं च दट्ठण] जाव किसिमिसइ य सेणिओ । [ताव य छिक्कियं भगवया वीरेण । ताहे सो देवो भणइ – 'मरसु' ।] तहा तेण सहाऽऽगओ तत्थेव कालसोयरिओ नाम महड्डवई(?)। तेण य छिक्किए दद्दरदेवो भणइ - 'मा मर मा जीव' । अभयकुमारेण छिक्किए भणइ - "मरस वा जीवसु' । सेणिएण छिक्किए भणइ – ‘मा मरसु, जीवसु' । सोउं चेमं रुद्रुण सेणिएण रण्णा भणिया
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |