Page Text
________________
[१७२]
amananews
AAAAAAAAAmar
तओ वसंतेण संकेयसमए तहेव पल्लाणिज्जमाणीए भद्दवईए, दूरं जाइस्सइ त्ति गाढमाखंचिज्जमाणं धारित्ताए मुक्का वीसाडी । तं च सोऊण पढियं पुव्वुत्तेण सिंधुलनेमित्तिएणं -
__ 'कक्खाए बज्झमाणाए, जहा रसइ हत्थिणी ।
जोयणाण सयं गंतुं, पाणच्चायं करिस्सइ' ॥ तओ वसंतसेणासहिएण वसंतेण संपाडिया झत्ति उदायणस्स भद्दवई । तओ घोसवईसणाहा आरुहइ तीए कंचणमाला, तहा वासवदत्ता उदायणो य सजोगंधरायणो । तओ पवणवेगेणुच्चलंतीए भद्दवईए जणजाणावणत्थं पढियमुदायणेण -
'एसो वच्चइ सत्थो, कंचणमाला वसंतओ चेव ।
भद्दवई घोसवई, वासवदत्ता उदयणो य ॥ सोउं चेमं जाओ जणकोलाहलो । जाणियं पज्जोएण । तओ तदादेसेण पल्लाणित्ता नलगिरी जाव पिट्ठओ चोइओ ताव भद्दवई गया पणुवीसं जोयणाणि । तओ तंमि समासण्णीहूए फोडिया एगा मुत्तहडिया जोगंधरायणेणं । तओ नलगिरी तं मुत्तमुस्सिघतो चोइओ वि जाव न चलइ ताव सा पुणो वि गया पणुवीसजोयणाणि । तओ पुणो तंमि अदूरत्थे फोडिया बीया मुत्तहडिया । तओ तस्सिघंते गया तम्मेत्तं । तओ पहुत्तमाणे फोडिया तइया मुत्तहडिया । तमुस्सिघमाणंमि य नलगिरिमि पविट्ठो कोसंबीए भद्दवई । दिण्णाओ पउलीओ । तओ वलिओ नलगिरी । उप्पल्लाणिज्जंती य मया भद्दवई त्ति छ।।
एवं च वासवदत्ताइपुव्वुत्तलहुरयणछक्कविरहियाए उज्जेणीए अणग्गी नाम जलणो उढिओ । सो य कहं वि नोवसमइ । तओ पज्जोएणाऽभओ पुच्छिओ - 'कहमेसो अग्गी उवसमिस्सइ ?' तेण भणियं विसस्स विसं चेव ओसहं । ता एयंमि अग्गिमि अण्णं [अग्गि] पक्खिवेह, जेणेसो उल्हाइ' । तओ तहेव कए विज्झाणो अग्गी । तओ तुट्ठो राया अभयस्स बंधमोक्खवज्जं वरं देइ । अभएण वि सो रण्णो चेव पासे धरिओ त्ति ॥छ।३
दुद्धरा य अणग्गि व्व जाया उज्जेणीए जणमारी । तओ संभंतचित्तेण रन्ना सद्दावित्ता पुच्छिओ अभओ । तेण भणियं - 'तुममंतेउरलीलाधवलहरट्ठिओ सव्वाओ वि देवीओ कयालंकाराओ पुरओ ठियाओ पत्तेयं पत्तेयं दिट्ठीए निरूवेहि । तासिं च मज्झे जा तुह दिट्ठीए दिट्ठि मेलित्ता तुमं जिणइ सा मम कहेयव्वा' । तओ रण्णा तहेव कए [सव्वाओ देवीओ हारियाओ हेट्ठा होतिओ । सिवादेवीए पुण राया जिणिओ । तओ तेण अभयस्स कहिअं - 'तुह चुल्लमातुगाए अहं जिओ'त्ति । अभओ भणइ - 'सा रत्तीए विगयवसणा कुंभबलीए अच्चणियं करेउ । ताहे तत्थ जं भूतं सिवारूवेण उठूइ तस्स मुहे करं णिच्छुभेउ' । तओ रण्णा सिवादेवीए तहेव कारितं । एवं चउक्के अट्टालएसु य जाहे सा देवता सिवारूवेण वासइ ताहे तीसे मुहंमि कूरं छुभइ । भणइ य - 'अहं सिवा गोवालगमाय'त्ति । एवं च सव्वाणि वि णिज्जियाणि भूयाणि ।] उवसंता जणमारी । तओ तुट्ठो राया 'बंदिमोक्खं मोत्तुं'अभयकुमारस्स 'वरं वरेहि'त्ति [भणइ] ॥छ।४॥ तओ अभयकुमारो 'केत्तियं कालमेवमिह चिट्ठियव्वं ? ति चिंतित्ता भणइ - 'महाराय ! संपयं मम चउरो वि वरा दिज्जंतु' । तेण भणियं – 'पुत्त मग्गेहि' । तओ अभएण भणियं - सारवेउ नलगिरी हत्थी एक्के ।१। तस्सुवरि तुमं मेंठो [त्ति बीए] ।२। मं घेत्तूणुच्छंगे नलगिरि समारूढा
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |