Page Text
________________
[१६०]
WWWMVVNINNNNNN
तमुट्ठवित्ता ससंबलगो गिहमाणीओ । पहाणत्थमब्भंगिउमाढत्तो । एत्थंतरंमि य लेहसालाओ समागओ पुण्णचंदो । भणिओ तीए – 'पुत्त ! तायस्स पाएसु पडसु' । सो वि पणओ चुंबिओ तेण सीसे । तओ पुण्णचंदो भणइ - 'अम्मो अम्मो ! देहि सिग्घं भोयणं, अन्नहा उवज्झाएण हम्मीहामि' [ तओ तीए कयउण्णय-कज्जवावडाए अण्णं किमवि तहाविहं खाइममपेच्छमाणीए ताओ चेव संबलठइयाओ घेत्तूण एगो मोयगो दिन्नो तस्स हत्थे ।
सो वि तं खायंतो निग्गओ घराओ । तओ पेच्छइ मोयगमज्झे महारयणं, चिंतित्ता य अहो ! 'सोहणो एसो समए पट्ठियापुर्घटओ लद्धो' । लेहसालाए गंतुं पढियं घुट्टिउमाढत्तो । दिवो य पासट्ठियचट्टेहिं । पुच्छिओ य – “किमेयं ?' तओ कहिए तेण सब्भावे तेहिं भणियं - 'रयणमिमं, मा विणासेहि । एयाओ जमिच्छियं खाइमं लभिस्सामो' । तओ ‘एवं होउ'त्ति काऊण सव्वे वि गया कंदुइयहरं । भणंति - 'जइ जंमग्गियमम्हाण खाइमं दिणे दिणे संपाडेसि ता देमो तुह मणिमिमं' । तेणाऽवि सव्वासण्णजलंमि दट्ठण (पक्खिविऊण) नायं जहा जलकंतरयणमेयं । तओ तहेव गहियं ।
इओ य कयउन्नगो सिणाणं काउं भुंजिउं पवत्तो । कंतिमईए य कयउण्णयं भुंजाविंतीए 'न किंचि तहाविहं पक्कन्नमत्थि'त्ति चिंतिऊण ताओ चेव थवल्लियाओ मोयगं कड्डमाणीए ल्हसिओ हत्थाओ मोयगो फुट्टो य । पयडीहूयं जाजल्लमाणं रयणं । तओ विम्हियचित्ताए कमेण बीयाइमोयगेसु वि फोडिएसु मज्झे रयणाणि पेच्छंतीए कयउण्णयमुद्दिसिऊण भणियं – “किमेवं कयाणीमाणि रयणाणि ?' तेणाऽवि परमत्थ[म]याणमाणेण भणियं - ['सुंकदाणभएण एवं कयाणि'त्ति ।] तओ मग्ग(मोयग)भेएण दरिसियासु य पत्तियासु लिहियमवधारिऊण नायं जहा - 'तासि विलसिय'ति ।
तओ हट्ठचित्ताए चिंतियं कंतिमईए – 'नूणं जो मए पुण्णचंदस्स मोयगो समप्पिओ तस्स वि मज्झे रयणेण होयव्वं' । तओ पुच्छिओ पुण्णचंदो । तेणाऽवि बालसहावत्तणओ खाइमलोभाभिभूएण 'न किंचि वत्थु तत्थ दिटुं' ति भणिऊणाऽवलत्तं रयणं ।
एवं च पुव्वुत्तबीयविग्घाणंतरं जाए तइयपुण्णतिभागोदए तेहिं चेव रयणेहिं वित्थरिओ कयउण्णगो जाओ सव्वत्थ पसिद्धो ववहारिओ त्ति ।
इओ य तत्थेव सेयणओ गंधहत्थी पाणीपिवणत्थं सरोवरे पविट्ठो । तत्थ य तंतुजीवेण पाएसु वेढिए निच्चलो जाओ । तओ अद्दण्णो राया । पुच्छिओ अभयकुमारो । तेणाऽवि भणियं - 'जइ कत्थ वि जलकंतो मणी लब्भइ तो मुच्चइ एसो हत्थी । तओ राउले अइबहुयत्तणेण रयणाणं गोत्तिज्जतो वि व(चि)रेण लब्भि[हि]इ त्ति काऊण दवाविओ रण्णा पडहओ घोसावियं च - [जो जलकंतं रयणं] देइ तस्स राया रज्जद्धं नियधीयं च देइ' ।
तओ सोऊणेवं समप्पिओ सो कंदुइएण पुण्णचंदसंतिओ जलकंतो मणी । नीओ सेयणयसमीवं । दारियं तप्पभाए जलं । तओ थलं ति नाऊण हत्थि मोत्तुं नट्ठो तंतू । समागओ सेयणओ । तओ राया भणइ – 'कस्सेसो जलकंतो ?' तओ परिवारेण कहिए 'कुओ कंदुइयस्स जलकंतसंपत्ति ?'त्ति चिंतिऊण हक्काराविओ कंदुइओ । वडिओऽभयकुमारेण । तओ निब्बंधे कए बीहंतेण सिटुं कंदुएण जहा - 'कयउण्णगपुत्तेणं पुण्णचंदेणं समप्पिओ मम एसो'त्ति ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |