Page Text
________________
[१५९]
तओ वहूहि - 'एक्कं मिटुं बीयं वइद्देणोवइटुं'ति नाएण मज्झे पियावंतीहिं वि भणिया – 'अम्मो ! तुमं चिय बहुसो जुत्तं जाणसि' । तओ दढसिरी वहूहिं समप्पि(त्थि)यं च 'मा किंचि अण्णहा रचयंति'त्ति मिसेण बाहिं हिंडंती पत्ता सत्थदेउलं । दिट्ठो य तंमि सेज्जाए सुत्तो कयउणणओ । तओ 'सायारो त्ति पहाणरूवो कोऽवेस पुरिसो । ता एयं चेव हरामि'त्तिं वोत्तुमुव्वाइ(हि)ओ बाहिं, नीओ थेवंतरं । न सक्केइ य [नेउं] । चिंतियं कयउण्णएण – “किमेयाओ काओ वि जोगिणीओ मं नेति ? अहवा न मम पुरओ का वि दटुं पि ताओ सक्कइ । ता पेच्छामि ताव जं भवियव्वयाए संपज्जई' । तओ ठिओ विहरीए घरदुवारं नेऊण भणिओ ताहिं - 'सामि ! पओयणं तुब्भेहिं, ता पविससु गिहमिमं' । तओ निव्वियप्पो चेव पविट्ठो तत्थ कयउन्नओ । चडिओ दरिसिओ चरिमभूमि गंतुं निसण्णो दिण्णासणंमि । तओ पुरओ ठाऊण पियवयणसंभासणंतरं भणिओ दढसिरीए – 'पुत्त ! दिण्णाओ मए तुज्झेमाओ भुंभुरभोलियाओ । ता परिणिऊणेयाहिं सममच्छसु विसयसुहमणुहवंतो' ।
कयउन्नएणाऽवि पुव्वुत्तबीयतिभागोदयाओ ‘एवं होउ'त्ति वोत्तुं सक्खिणयमगि काऊण परिणीयाओ चउरो वि ताओ । तओ य गोसे पारद्धं वद्धावणयं । कया बाहिं वत्ता जहा - समागओ सूरसेट्ठी । तं च नाऊणाऽऽगओ सुहि-सयणाइजणो । पविट्ठाणि देक्खिउं ताणि । दढसिरीए वि 'मणागपडुसरीरो सूरो । तेण तस्स न सुहाइ पायरवो'त्ति सवित्थरं वाहरावित्ता पुप्फतंबोलाइयं च जहोचियकिच्चं काऊण हे?ओ चेव विसज्जिओ सव्वो वि लोगो ।
कयउण्णएण वि बारसवरिसाणि जाव जहिच्छमभिरमंतेण जणिया तासिं पउरपुत्ता । ठो(डो?)क्करहोएसु तेसु चिंतियं दढसिरीए - 'सिद्धमम्हाणं ताव पुत्तुप्पायणं । परमेएसि विवाहाइपओयणेसु किरिक्किस्संति सयणजाइया पियरमपेच्छंता । ता [इमं पुणरवि तत्थेव निच्छुभामि जओ आणीओ सत्थ]पुरिसस्स संगओ, [तं च मे पुत्तं 'मओ'त्ति जाणावेमि जणस्स]' । तओ कहियमेगंते वहूणं । ताहिं पि निरायमणुरत्ताहिं तं सोऊण अणिट्ठवयणं 'अहो कुद्धो दढसिरीरूवेण दड्डदइवो जेणऽज्जमेएण सह विउंजितेइया' । 'अहवा विउत्ताओ वि तहा कह वि काहामो जहा पुणो वि संगमो भविस्सइ'त्ति परं लहुसद्देण खुसुभुसित्ता भणियमिमं - 'अम्मो ! तुम्हमायत्तं सव्वं पि किच्चं । तहा वि बहुकालमेसो ठिओ । जइ भणसि ता संपयं किंचि संबलं करेमो' । दढसिरी भणइ – 'किमजुत्तं ? जओ ससंबलो चेवाऽऽणीओ' । तओ ताहिं बद्धा मोयगा । छूढाणि य ताण मज्झे अणग्घेयाणि सह पत्तियाहिं जलकंताइरयणाणि । लिहियं च पत्तियासु - 'अहं तत्ती कायव्वा' । तओ बंधिऊण थवल्लियाए कया ते मंचमोसीसदेसे । पाइऊण मज्जं दढसिरीए तंमि चडाविओ कयउण्णओ । तओ तहेव अप्पपंचमा तं घेत्तुं गया तं चेव पएसं ।
इओ य देसंतराओ भवियव्वयाए सो चेव सत्थो तत्थाऽऽगंतुमावासिओ । मोत्तुं च ताहिं इहेव कयउण्णयं अणाहमडयमेगं अग्गिणा सक्कारिऊण रोवंतीहिं कया वत्ता जहा – 'कालगओ सूरसेट्ठी' । नाउं
चेमं मिलिओ सुहि-सयणजणो । तप्परओ य दढसिरी भणइ – 'सेट्ठिसक्कारवेलाए थोवयरं भावि एयंगं ति जाणाविया न तुब्भे' । तओ तेहिं कयाई मयकिच्चाई ।
___ इओ य कंतिमईए पुन्नचंदो नाम पुत्तो जाओ । सो य एक्कारसवारिसीओ तया लेहसालाए पढइ । निसुयं च तीए जहा - 'पहुत्तो सो सत्थो' । गवेसणत्थं च सह दासचेडीए गया कंतिमई तत्थ पभायसमए । पविट्ठा देउलियाए । ट्ठिो य सीयलपवणाहओ विगयमओ तत्थोल्लरिओ कयउन्नगो । तओ
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |