________________
[१५५]
जं न कप्पं पि घेप्पइ पुट्ट(ट्ठ)-कडाद(रा)इकारणेण विणा । अप्परिणय-अइपरिणय-हियत्थिणा परिणएणाऽवि ॥ उस्सग्गकु(ज)डो पढमो, अववायनिद्धंधसो य बीयमुणी । उस्सग्गववायसमो, तइयमुणी सेसविद्धंतो(?) ॥ सिरियरुनगरे सुत्थिय-सूरी सगणाहितं चविउकामो । परिणयमुणिकयसमओ, विऊ सीसतिगं परिक्खेइ ॥ कवडेणाऽइगिलाणो, होउं संथारए ठिओ सूरी । मुणिणो भणंति - 'भयवं !, किमसोक्खं तुम्हद्दन्ना?' ॥ सूरी वि भणइ - 'न(तु?)म्हे जप्पडियारं कराविउं सक्का । तं दुक्खं सुणंताण', 'काहामो' सोउमेयं च ॥ परिणयमुणिणो नेउं, रहसि विसण्णत्थ(विसण्णा?) बेंति ते सीसे । 'सूरी नऽम्हं साहइ, नियदुक्खं गंतु ता तुम्हे । वल्लहसीसा पुच्छह, जेण न पढणा(?) विसूरेइ(ह?) ॥ पुच्छंति ते वि गंतु, निब्बंधेणं चरणलग्गा ॥ सूरी वि तेसि साहइ, पिहप्पिहं कह वि साभिलासो व्व । 'एक्कं चोसहमह'; ते, 'तह'त्ति वोत्तुं गवेसंति ॥ पढमो चिंतइ - 'वरमणसणेण वि जमाणा विहि(हे)उमुचिया । न उणमववायसेवा, सावज्जा; जं सुए भणियं ॥ एक्केण कयमकज्ज, करेइ तप्पच्च[यं] पुणो अन्नो । मायाबहुलं परंपर-वोच्छेओ संजमतवाणं ॥ [पिण्डनियुक्तिः १८५] सोच्चा ते जियलोए, जिणवयणं जे नरा न याणंति । सोच्चाण वि ते सोच्चा, जे नाऊणं न वि करंति ॥ [उवएसमाला २६०] न य भावजडविद्धंसगमिमं सुयं सुणइ'तो गुरुनिमित्तं । सुक्काओ पक्कंबछल्लीओ घेत्तु सो पत्तो ॥ ढोइय पुट्ठो गुरुणा, तस्सुद्धिं कहे[इ] नियमभिप्पायं । तत्तो य नायमप्परिणओ त्ति नेयो य एयस्स ॥
(न य एयस्सचिओ?) ॥ बीओ चिंतइ - 'धम्मो' वेयत्तो ति मोत्तुमुस्सग्गं । सो पालिज्जइ सेसं, सत्तीए जं सुए भणियं ॥ एक्को वि नमुक्कारो, जिणवरवसहस्स वद्धमाणस्स । संसारसागराओ, तारेइ नरं व नारिं वा ॥ [आवश्यकान्तर्गते सिद्धस्तवे ३] अप्पा जाणइ अप्पा, जहट्ठिओ अप्पसक्खिओ धम्मो । अप्पा करेइ तं तह, जह अप्पसुहावहं होइ' ॥ [उवएसमाला २३]
