Page Text
________________
[१४०]
तहिं वच्चामो । धणं तुब्भं, सुंसुमा ममं । तओ पयट्टा ते सव्वे वि पत्ता धणस्स गेहं । ओसोवणि दाउं अइगया नामं साहित्ता मुसिउमारद्धा घरसारं । धणो य सह पुत्तेहिं अवसरिओ । चिलाइपुत्तो वि गहियसुंसुमो चोरेहिं सहिओ तओ पलाओ । तओ धणेण नगरारक्खिआ सद्दाविऊण 'मम धूयं नियत्तेह । सव्वं धणं
'ति भणिया । तओ सपुत्तो घणो कुढिएहिं समं पिट्ठओ लग्गो । तओ चोरा भग्गा । लोगो धणं गहाय नियतो । धणो य सह पुत्तेहिं चिलाइपुत्तस्स मग्गओ लग्गो ।
अह आसन्नभूए य धणे 'एसा मा भवउ धणस्स वित्ति चिंतिय नासिउमसक्कंतीए सुंसुमाए सीसं तू गओ चिलाओ । धणो वि विमण - दुम्मणो घेत्तूण तस्स देहं पडिनियत्तो नयराभिमुहं । पडिओ य छुहा- पिवासापरिगओ य बहुसावयसंकुलाए अडवीए । जाओ य मज्झण्हसमओ । तओ सुटु परिस्संतेण 'अहो केरिसी विसमा कज्जपरिणइ ? 'त्ति चिंतित्ता भणिया धणेण नियपुत्ता 'भो भो ! ऽहं जराजज्जरियदेहो कालेणं चेव कवलिओ चिट्ठामि । नत्थि य एत्थ नित्थरणोवाओ अन्नो कोऽपि संपयं । ता मं चेव विणासित्ता तुभे उवभुंजह । पच्छा य नगरं संपत्ता दाणाइणा पायच्छित्तेण सुद्धि करेज्जह । अन्ना सव्वेसु पि एत्थेव मएस कुलक्खओ भविस्सइ' । तओ जेट्ठपुत्तो भइ 'अम्ह तुब्भे आराहणीया । चेलुक्कया एए लहुभायारो पालणीया । ता सव्वे वि मं विणासिऊणोवभुंजह' । एवं बीओ वि, तइओ वि । तओ चउत्थो भणइ – 'गुरू तुब्भे पूयणिज्जा । चेलुक्को य एसो लहुभाया चिंतणिज्जो । ता मं चेवोवजीवेह' । तओ पंचमो भणइ 'गुरू तुब्भे सम्माणणीया । ता मं विणासिऊणाऽऽहारेह' । नाउं चेमं सव्वेसि पि समसुहदुक्खत्तणं धणो भइ 'जइ एवं ता इदमेव सुंसुमासरीरं विगयप्पाणं पडियं मट्टियासममुवभुंजामो' । पडिवज्जिउं चेमं सव्वेहिं वि राग - दोसरहिएहिं तं चेव भक्खियं तेहि ।
1
--
-
तओ सपुत्तेण धणेण रायगिहं पत्तेण कयं सुंसुमापरलोयकिच्चं । तओ जेट्ठपुत्तं कुटुंबे ठवित्ता महावीरंतिए पव्वइऊण [ अहीयाई ए ] क्कारसंगाईं, बहूणि य वासाणि तवं काउं धणो सोधम्मे उक्कोसठिइओ देवो जाओ ति ॥
सो वि चिलाओ खंधरारोवियसुंसुमासीसो गहियकरवालो पयट्टो दक्खिणदिसाहुत्तं । दिट्ठो य एक्को साहू काउस्सग्गट्ठिओ भणिओ यऽणेण - 'संखेवेण मम धम्मं साहसु अण्णहा तुज्झ वि सीसं छिंदामि' । नाणोवओगेण य 'संबुज्झिस्सइत्ति जाणिऊण भणियं मुणिणा 'उवसम-विवेग-संवर'त्ति । [तओ सो मुणी उप्पइओ । चिलाओ वि तिण्णि एयाई पयाई झायमाणो] जाव ठिओ ताव लोहियगंधागयाओ कीडियाओ तद्देहं खाइउमारद्धाओ । ताहिं च सो चालणि व्व कओ तहा वि न चलिओ झाणाओ । एवं च अड्ढाइएहिं [दिवसेहिं] समाहित्थो चेव चिलाइपुत्तो कालं काऊण देवलोगं गओ ति ॥छ|| चिलाइ तो त्ति गयं ॥छ ।
―
संबुद्धो य चिलाइपुत्तो व्व निग्घिणकम्मं पि काउमज्जुणमालि त्ति अज्जुणमालिकहा भण्णइ - रायगि नरे अज्जुणओ नाम मालायारो परिवसइ । तस्स भज्जा बंधुमई वा खंदसिरी वा नाम । अत्थि य रायगिहस्स नगरस्स बहिया मोग्गरपाणी नाम जक्खो अज्जुणगस्स कुलदेवया । सो य तस्साऽऽरामे वच्चंताण मग्गे चेव चिट्ठ |
अन्नया खंदसिरी भत्तं तस्स भत्तारस्स लेउं गया वलिया य पुप्फाइं घेत्तुं घरं गच्छइ । सा मोग्गर
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |