Page Text
________________
[१३८]
___ एवं चोवसग्गिज्जमाणो तहाभवियव्वयाए चलियचित्तो नंदिसेणो रजोहरणाइवेसं मंजूसागयं काऊण गुणसुंदरीए सह भोगे भुंजिउं पवत्तो । अवि य -
भावियमई वि तवसोसिओ वि विन्नायविसयदोसो वि । कम्मवसेणं चलिओ, मेरुसरिच्छो वि नियमाओ ॥ नियमइ 'दस दसाऽहं, पइदियहं जइ न जिणवरमयंमि । बोहेमि तओऽवस्सं, विसं व विसए परिहरामि' ॥ कुव्वंतो य तहच्चिय, वीरजिणस्संऽतिए विसज्जेइ । घेत्तुकामो चरित्तं, सेसो(सं) पुण सावयं कुणइ ॥ खीणे य भोगकम्मे, विसए मोत्तुं पुणो वि पव्वइओ ।
काउं च तवं वच्चइ, दियलोयं नंदिसेणो त्ति ॥छ।। नंदिसेणो त्ति गयं ॥छ। ___खोहिओ य जहा विसएहिं नंदिसेणो तहा बालकीलाए अइमुत्तकुमारो त्ति [अइमुत्तकुमार कहा. भण्णइ -
तेणं कालेणं तेणं समएणं पोलासपुरे विजओ नाम राया । सिरी से देवी । सा सुमिणे सीहं दटुं राइणो कहेइ । तेणाऽवि आइटुं जहा – 'सुयणु ! पुरिससीहो ते पुत्तो भविस्सइ' । तओ सा तयणंतरमेवाऽऽवन्नसत्ता जाया । कमेणं नवण्हं मासाणं साइरेगाणं पुत्तं पसूया । एक्कारसमे य दिवसे अइमुत्तो त्ति नामं कयं ।
अन्नया य सो अइमुत्तकुमारो ऊणट्ठवासो कयालंकारो बहुदासी-दासपरिवारिओ रायमग्गट्ठिओ कीलमाणो चिट्ठइ । इओ य तत्थ वीरसामी समोसढो । तस्स सीसो गोयमो नाम भिक्खट्ठाए पविट्ठो तं चेव रायमग्गं संपत्तो । तए णं सो अइमुत्तदारओ भगवं गोयमं एज्जमाणं पासित्ता हट्ठतुट्ठो सत्तट्ठपयाइं अणुगच्छित्तु वंदित्ता एवं वयासी – 'के तुब्भे देवाणुप्पिया !? किमत्थं वा हिंजहा(हिंडह?) एवं ?' तए णं गोयमो अइमुत्तं वयं वयासी – 'अम्हे णं देवाणुप्पिया ! समणनिग्गंथायरिया[ण] समणा बंभयारिणो पोलासपुरे भिक्खट्ठा विसिटकुलाइं हिंडामो' । तए णं सो अइमुत्तो गोयमं एवं वयासी – 'अहं तुम्हाणं भिक्खं दवावेमि' ।
तओ गोयमहत्थंगुलिं नियहत्थेण घेत्तुं जेणेव सए गेहे तेणेव उवागच्छित्ता सयं गिह[म]णुपवेसेइ । तए णं सा सिरीदेवी गोयमं अइमुत्तेण सद्धि एज्जमाणं पासित्ता हट्टतुट्ठा सत्तटुपयाई अणुगच्छित्ता वंदित्ता विउलेण असण-पाणेण पडिलाभित्ता विसज्जेइ ।।
___तओ अइमुत्तो [गोयमं एवं वयासी - 'कत्थ वसह तुब्भे देवाणुप्पिया !?' ताहे] गोयमो एवं वयासी – 'देवाणुप्पिया ! जत्थ मम धम्मायरिए महावीरे समोसढे चिट्ठइ तत्थ बाहिं वसहिओ वसामो' । तओ विजयस्स रन्नस्स गिहाओ बाहिं निक्खमित्ता गोयमो सामि पज्जुवासइ ।
तए णं सो अइमुत्तकुमारो सयाओ गिहाओ निग्गंतूण जेणेव समणे भगवं महावीरे तेणेव उवागच्छइ । वंदित्ता य धम्मं सोच्चा एवं वयासी – 'भगवं ! जाव अम्मापियरो आपुच्छामि ताव तुब्भंतिए पव्वइस्सामि' । भगवया भणियं – 'अहासुहं देवाणुप्पिया ! मा पडिबंध करेहि' । तए णं सो अइमुत्तकुमारो जेणेव
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |