Page Text
________________
[१३६]
maaaaaaaaaam
अग्गहारो नाम गामो । तत्थ सोमो नाम बंभणो । सो य जन्नवाडए नियदासं रक्खवालयं निरूवेइ। दासो वि सो बंभणं भणइ – 'जइ जागुव्वरियमाहारं मम देसि तो रक्खामि' । सोमेण तहेव पडिवन्ने सो दासो तमाहारसेसं साहूणाऽऽगयाणं देइ । तंनिमित्तं च देवाउयं निबंधित्ता मरिऊण गओ देवलोयं । तओ चुओ इहेव जंबुद्दीवे भारहे वासे रायगिहे नयरे सेणियस्स रन्नो धारिणी देवीए नंदिसेणो नाम पुत्तो जाओ । सोमबंभणो वि तओ मरिउं हिंडियसंसारो मगहादेसासन्ने गयं विझे अट्टज्झाणमयं [पेच्छिउं?1 तावसजीवजा या]ए जाइस्सरहत्थिणीए संभओ गब्भे ।
तस्स य पिया जूहाहिवई भोगलंपडत्तणओ सव्वे वि हत्थिणो मारित्ता हत्थिणीमज्झगओ एक्कल्लो भोगे भुंजतो चिट्ठइ । तहा अण्णे वि हत्थिणीणं जाए जाए कलभे मारेइ । सो य सव्वाओ वि हत्थिणीओ अप्पणो पुरओ चेव धारेइ । एत्थंतरंमि य सा गुम्विणी हस्थिणिगा गब्भं रक्खिउकामा कवडेण खोडायंती दूरं पच्छओ आगच्छइ । तारिसं च निच्चं दट्ठण जूहाहिवई तं नाऽऽयरेण अक्खेडेइ । एवं च सा अन्नया कयाइ तणपूलियं सीसे काऊण तावसाणं पाएसु पडिया । तओ तेहिं 'सरणागया एसा वराइ'त्ति नाऊण तत्थेवाऽऽसमे धरिया चरंती चिट्ठइ । पसूया य समए मयगलं सयललक्खणोववेयं सा पुत्तं । तं च तत्थेवाऽऽसमे धरित्ता खोडयंती चेव विच्चकुच्चेणं मिलइ जूहाहिवइणो । जहा य तेण न नज्जइ तहा पुत्तस्साऽऽगंतुं थणं(ण्णं) देइ । तत्थ य तावसकुमारा पुष्फजाइओ [सिंचंति] जहा, [तहा] सो [वि] चिंदुल्लगो गंगाओ पाणियमाणिऊण सुंडादंडेण पुप्फजाइओ सिंचइ । तओ तग्गुणाणुरूवं तस्स तावसेहिं कयं सेयणओ त्ति नामं ।
पुव्वसंगइयदेवयाकयसंनिज्झो य सो सेयणगो जोव्वणत्थो संतो विणासित्ता पियरं सयं जूहाहिवई जाओ । चिंतियं(उ) च - 'मा मम माय व्व अन्ना वि हत्थिणी एत्थाऽऽगंतुं वियाउ'त्ति भंजेइ तं तावसासमं । तओ संकुद्धा तावसा 'कहमेसो दासो कयग्घणो दमियव्वो ?'त्ति मंतित्ता गया सेणियरायसगासं, कहिओ य तस्स तेहिं सेयणगो गंधहत्थी । रन्ना वि तग्गहणत्थं निउत्ता विन्नुपुरिसा । तेहिं वि गंतुं विझे तहा विक्खेरिया सरसमोयगा जहा तेसु पलक्खे(पलट्टो ?) सेयणओ समागओ विसमं । तओ वि पयत्तेण नितिऊणाऽऽणीओ रायगिहं । समप्पिओ सेणियस्स । तेणाऽवि आलाणखं[भे बद्धो सो। एएणं मुइय]ते(चे?)इया य ते तावसा निच्चं तस्स समीवमागंतुं भणंति - 'भो सेयणय ! कत्थ सा ते संपयं गया दुईतया जीए भग्गो अम्हं आसमो ?' सोउं चेमं 'अहो ! एएहिं अहं बंधाविओ'त्ति जाणित्ता कुविओ सेयणगो । तोडियं(उ) च बंधणाणि भंजियालाणखंभो मारित्ता ते तावसे पुणो पविट्ठो विझे ।
नाउं चेमं पुणो वि तग्गहणुज्जओ जाओ जाव राया ताव देवयाए हियत्थं भणिओ सेयणओ जहा - 'सेयणय ! सेणियस्स रण्णो वाहणेण होयव्वं ति [बंधि]यं तए जम्मंतरे कम्मं । तव्वसेण य सो बला वि तुमं वाहिस्सइ । ता सयं चेव गच्छसु खंभट्ठाणं जेण सव्वकरीणं पहाणो होसि' । परिव्वा(परिअट्टा?)विओ चेवं देवयाए सेयणओ वलिऊणाऽऽगओ नगरं । ठिओ खंभट्ठाणे । दटुं चे लोगेण निवेइयं सेणियस्स । तेणाऽवि 'नूणं देवयाहिट्ठिओ एसो, अन्नहा कहं सयमेवाऽऽगओ ?'त्ति हरिसेण सेयणओ ठाविओ पट्टहत्थी।
___इओ य नंदिसेणो गहियकलाकलावो जोव्वणुम्मत्तो विवाहि[ज्जंतो] बहुरायकन्नयाहिं सह, भोगे भुंजतो चिट्ठइ । पेच्छंतस्स य तं बहुसो सेयणयस्स विमरिसणेण समुप्पन्नं विभंगनाणं । तेण य जाणतो सोमभवाइवत्तव्वयं, जया य खंधमारुहइ नंदिसेणो तया तया विमओ होइ ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |