Page Text
________________
[१३५]
अट्ठिचम्मावसेसं कलुणविलावं इत्थिमेगं पेच्छित्तु तहेवाऽऽगओ भणइ – 'भगवं ! का सा नारी ?' सामी भणइ -
'इहेव जंबुद्दीवे भारहे वासे [इंदपुरे णयरे] इंददत्तो राया । तहा पंचतीससयाऊ पुहविसिरी नाम गणिया । सा य निस्सूगा कट्ठिल्ला कामणकारिणी बहुं जणं बहुहा विडंबंती छट्ठपुढविनेरइओ होऊणिह वड्डमाणपुरे धणदत्तसत्थवाहस्स पियंगुभज्जाए जाया नवइवासाऊ अंजू नाम धीया । तीसे य देवदत्त व्व दटुं वरावित्ता य परिणीयाए विजयराएण कयाइ जायं जोणीसूलं । तओ उग्घोसावियं रन्ना - 'जो पगुणमंजुदेवि कुणइ तस्स जंमग्गियं देमि' । न य केणइ सक्किया पउणीकाउं । तओ तहा जाया जहा तए दिट्ठा' ।
गोयमो भणइ – 'सामि ! इओ सा कहिं होही ?' सामी भणइ – 'देवदत्त व्व भमित्तु संसारं सव्वओभहे नगरे मऊरो साउणिएहि मारिओ तत्थेव सेट्ठिपुत्तो सोहम्मगदेवो य होउं महाविदेहे सिज्झिही। जहा सुबाहू ।
तं जहा – हत्थिसीसे नयरे अद्दी(दी)णसत्तू नाम राया । तस्स सहस्संतेउरप्पहाणा धारिणी नाम देवी । तीसे सीहसुमिणसूइओ सुबाहू नाम पुत्तो । सो य महब्बलो व्व अम्मा-पिऊहिं परिणाविओ पुष्फचूलापमुहपंचदेवीसयसहिओ सुहंसुहेण चिट्ठइ । समोसरियं च तत्थेव ईसाणदिसाए कयवणमालजक्खनिवासे पुप्फकरंडुज्जाणे महावीरं सोऊणाऽऽगओ । वंदित्ता य सुयधम्मो सावओ होउं जाव गओ सट्ठाणं ताव गोयमो भणइ - 'भगवं ! को पुराऽऽसी इमो सुबाहू ?' सामी भणइ -
'इहेव जंबुद्दीवे भारहे वासे हत्थिणाउरे सुमुहो नाम भंडसालिओ, सो य तत्थेव पंचहिं समणसएहिं सह समोसरियाणं धम्मधोससूरीणं सुदत्तं नाम सीसं मासेणं खमेतं भिक्खट्ठाए पविटुं दद्रुमुट्ठिओ विउलेणं भत्तपाणेणं भत्तीए जाव पडिलाभेइ ताव पाउब्भूयाणि पंच दिव्वाणि ।
तं जहा - अद्धतेरसकोडिप्पमाणा वसुहारा वुट्ठा १, पंचवन्नपुप्फपयरो निवडिओ २, चेलुक्खेवो कओ ३, देवदुंदुभिनिनाओ वित्थरिओ ४, सव्वत्थ घुटुं चाऽहोदाणमहो दाणं' ५ ति । मि(सल)हिज्जतो य बहुसो जणेण सुमुहो कालं काऊणिह हत्थिसीसे जिय(अदीण)सत्तुरन्नो धारिणीदेवीए जाओ सुबाहू नाम पुत्तो' ।
एवं च साहियसुबाहुवुत्तंतो सामी विहरिओ तत्तो देसंतरे । सुबाहू य बहुसो पोसहसालाए पोसहं कुणंतो कयाइ विहिओववासतिगो पोसहिओ मज्झरत्ते चिंतइ – 'सामी इह समोसरिस्सइ ताऽहं समणो होहं' । नाउं चेमं तच्चित्तं समोसरिओ पुणो तत्थ सामी । पव्वइत्ता य तदंतिए विहिणा सुबाहू पढिऊणेक्कारसंगाणि विहिउं च बहुवरिसाणि तवोविसेसं मासं कयाणसणो कालगओ ।
__ तओ गोयमो भणइ – 'सामि ! इओ सुबाहू कहं होही ?' सामी भणइ – 'संपयं सोहम्मदेवो जाओ, चुओ पव्वइत्ता सणंकुमारदेवो । एवं बंभलोय-महासुक्काणयारण-सव्वट्ठसिद्धदेवो वि होउं महाविदेहवासे सिज्झिस्सइ'त्ति ॥छ। चंदाइय त्ति गयं ॥
इय चंदाइ व्व जया(जीवा?) सकम्मनडावएण भवरंगो(गे) नच्चाविज्जति जहा सेयणओ नंदिसेणो त्ति । सेयणय-नंदिसेणकहा भण्णइ -
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |