Page Text
________________
[१२९]
NewsNews
दिट्ठो मए तहा विडंबिज्जंतो ?'
सामी भणइ – 'इहेव जंबुदीवे भारहे वासे हत्थिणापुरे सुनंदो नाम राया । नयरमज्झे य महतो एगो खंभसयसमन्निओ गोमंडवो । तंमि य बहूणि वत्थव्वगामंतुगाणि(वत्थव्वगसंतिगाणि?) गोरूवाणि परिवसंति । इओ य तत्थेव भीमो नाम कूडग्गाहो [आसि अहम्मिओ । तस्स भ]ज्जा गब्भवई । तइयमासे गोरूयथणाइमंसासण-मज्जपाणदोहलेण झिज्जती पुच्छिया साहइ दोहलयं । [तं च] मंभीसुत्ता य भीमेण रयणीए सुत्ते जणे गोमंडवाओ अन्नन्नगोरूयाणं छिदित्तु थण-च्छि-पुच्छाईणि सत्थेणाऽऽणित्ता समप्पियाणि तीसे । पुण्णदोहलाए य जाओ पंचवाससयाऊ दारगो । सो य जायमेत्तो चेव चंडवीसाडीए [महया सद्देण आरसइ तेण य सद्देण णयरे बहवो गो-वसहाईया भीया उत्तसिया पलाइया । तेण पिऊहिं पइट्ठिओ गोत्तासगो] नाम सुहंसुहेण वड्डइ । [अण्णया काइ मओ भीमो । तओ रण्णा सयमेव गोत्तासगो कूडगाहित्तणेण ठविओ । सो य बहूणं गोरूवाणं थण-च्छि-पुच्छाईणि अंगाणि रत्तीए छिदित्ता गिहमागंतुं भुंजेइ । एवं बहु पावकम्मं कुणंतो सो पंचवाससयाई आउं पालिऊण मरित्ता बीयाए नरयपुढवीए नारओ जाओ । तत्तो उव्वट्टित्ता एत्थेव नयरे विजयमित्तस्स सत्थवाहस्स जायनिंदुयाए सुभद्दाए पुत्तत्ताए उववण्णो । तओ सा तस्स रक्खणट्ठा जायमेत्तं तं उक्कुरुडियाए उज्झावेइ । तओ गेहावित्ता तं संरक्खमाणी संवड्डेइ । जायमेत्तो य उक्कुरुडियाए उज्झिओ त्ति तस्स नाम उज्झियओ त्ति ठविअं पिउणा ।]
विजयमित्तो य गओ देसावरवणिज्जेणं विवन्नवि(वा?)हणो विणट्ठो त्ति नाउं जं जस्सा[ऽऽया?]ति हत्थे सो तं घेत्तुमवक्कंतो । सुभद्दा वि विन्नायवुत्तंता काउं मयकिच्चाई सत्थवाहस्स सोगेण मया । जे य केइ तत्थ सत्थाहधणेण धणयंता ते ‘मा कयाइ पिउधणमुग्गाहिस्सइ'त्ति संकियचित्ता चिला(रा)लंबिएहिं(?) रायपुरिसेहिं नीसारावेऊण उज्झियगं दवावेंति [तं गिहं अन्नस्स |] उज्झियगो य सच्छंदो मज्ज-चोरियाजूअ-परदाराइपसंगी कामज्झयगणियासत्तो चिट्ठइ ।
इओ य मित्तो राया सिरिदेवि जोणिसूलेण भोगासमत्थं नाउं कामेइ कामज्झयगणियं । नीसारिओ य उज्झियओ । तहा वि तं मोत्तुमचएंतो कह वि लहिऊणं जाव कामेइ कामज्झयं तावाऽतक्किओ पत्तो राया। दटुं च कुविएणुज्झियओ तहा तेणाऽऽइट्ठो जहा तए [दिट्ठो]' ।
गोयमो भणइ - 'अओ परं सो कहं होही ? सामी भणइ - 'दिणतिभागावसेसे अज्जेव सूलियाभिन्नो पढमपुढवीए नेरइओ होही । तओ इहेव जंबुद्दीवे भारहे वासे इंदपुरे नयरे गणियापुत्तो पियसेणो नाम नपुंसओऽहम्मिओ [मरिऊण] पढमपुढवीए नेरइओ होही । तओ मियापुत्तो व्व संसारं भमिऊण इहेव जंबुद्दीवे भारहे वासे चंपानयरीए महिसो होही । सो य मारिओ गोट्ठिल्लएहिं तत्थेव सेट्ठिपुत्तो होउं थेरंतिए पव्वइत्ता सोहम्मे देवो, चवित्तु महाविदेहे सिज्झिही, जहा अभग्गसेणो ।
तं जहा - महबलरन्नो पुरिमतालं नयरं । तस्स ईसाणदिसि महाडवीए सालाडवी नाम विसमा चोरपल्ली । तीए विजओ नाम अईवरोद्दो चोरसेणावई । तस्स खंदसिरीभज्जाए अभग्गसेणो नाम पुत्तो। वह(ट्ट)ति य वीरवित्ताए विजयस्स उवद्दवंतस्स पुरिमतालविसए बहूणि गामनगराणि कप्पं(कप्पायं) । समोसरिओ य पुरिमताले अमोहदंसिजक्खनिवासे अमोहदंसिउज्जाणे कयाइ महावीरो । गओ य गोयमो भिक्खट्ठा छट्ठपारणए जाव रायमग्गं ताव तहेव रायपुरिसेहिं चच्चरे निवेसियं पुरओ बहुपित्तिवय-पियामहियापुत्त-सुन्हा-जामाउय-धीयाइ-पिउस्सिय-माउस्सियाईणं नामग्गाहं मारित्तु समंसाणि खाविज्जमाणं सोणियाणि
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |