Page Text
________________
[१२८]
य नाऽऽसि नेरइया पच्चक्खा तेऽणेण सच्चविय'त्ति चिंतितो मियादेवि पुच्छिऊण गओ महावीरंतियं ।
वंदित्ता भणइ – 'भगवं ! मियापुत्तो किं पुराऽऽसि ?' सामी भणइ -
इहेव जंबुद्दीवे भारहे वासे धणवइरन्नो सयदुवारनयरस्स अग्गेईए दिसाए पंचगामसयाणुगओ विजयवद्धमाणो नाम खेडओ । तत्थ इक्काई नाम अड्डाइज्जवाससयाऊ र?उडो अहिवई । सो य सु(द)स्सीलसिरोमणी महाज्झुट्टो(दुट्ठो?) जणवयं पीडेइ । अवि य -
सुयदिट्ठमसुयदिटुं, वइ(य) भणइ य जहा न तं ज(भ?)णइ ।
किं बहुणा ? नत्थि समो, तेणऽन्नो तिहुयणे पावो ॥ ___ एवं सो कयाइ सोस १-कास २-जर ३-दाह ४-गुज्झसूल ५-भगंदर ६-हरिस ७-अजिण्ण ८दिट्ठिसूल ९-मुहसूल १०-अरोचक ११-अच्छिवेयणा १२-कन्नवेयणा १३-कंडू १४-जलोदर १५-कोढेहिं १६ सोलसरोगायंकेहिं पीडिओ सव्वत्थ घोसावेइ । जहा - 'जेणेक्काई सोम्मो कीड़ तस्स तो जंमग्गियं देइ' । सोउं चेमं बहुहा चिगिच्छिओ वेज्जाईहिं । नाउं चाऽसज्झो त्ति चत्तो मरित्ता पढमैपुढवीए सागरोवमाऊ नेरइओ जाओ । तओ उव्वट्टिऊणिह मियग्गामे संभूओ मियादेवीए कुच्छीए । अणेण य रण्णो वि सा अणिट्ठा हूया चिंतइ – 'नूणं गब्भदोसो कोइ जेणाऽहं अणिट्ठा जाया । ता पाडेमि इमं गब्भं वहाय' । [परं] कह वि बलियाउयत्ताओ न विवण्णो त्ति पसूया। छव्वीसवासाउयं रुंडमिमं मियादेवी दटुं भीया समप्पिऊण अंबधाई भणेइ – 'छड्डेहि इमं नेऊणुक्करुडियाए'। धाई वि तं घेत्तुं गया विजयंतिए सव्वं साहइ । विजओ वि तं घेत्तुमागओ मियादेवि भणइ – 'पढमं गब्भमिमं अछड्डावेंती भूमिगिहगयं काउं भत्तपाणेणं सम्मं पालेहि जेण सेसा ते पुत्ता थिरा होंति' । तं च पडिवज्जित्तु मियादेवी तहेव कुणंती चिट्ठइ' ।
गोयमो भणइ – 'सामि ! इओ मओ मियापुत्तो कहिं जाही ?' सामी भणइ – 'सीहो होठं पढमाए, सिरीसवो होउं दोच्चाए, पक्खी होउं तच्चाए, सीहो होउं चउत्थीए, उरगो होउं पंचमीए, ह(इ)त्थी होउं छट्ठीए, मणुओ होउं सत्तमीए पुढवीए नेरइओ होही । तओ बहुसो असेसं तिरियगई हिंडित्ता सुप्पइट्ठपुरे गोणो होही । सो य जोव्वणत्थो पढमपाउसे सिंगेहिं महियं खणंतो गंगापडियतडीए मारिओ तत्थेव पुरे सेट्ठिपुत्तो होही । सो वि तहाविहथेरंतिए [धम्मं] सोउं संपत्तो(त)धम्मो पव्वइत्ता निक्कलंकसामण्णो सोहम्मे देवो होही । तओ महाविदेहे सुकुलुप्पण्णो दढपइन्नो नाम होउं सिझेही जहा उज्झियओ ॥ तं जहा -
वाणियग्गामे नयरे मित्तो नाम राया । तस्स सिरी नाम देवी, । सयलकलाकुसला य कामज्झया नाम गणिया । समिद्धो य विजयमित्तो नाम सत्थवाहो । तस्स सुभद्दा नाम भज्जा । इओ य तत्थेव ईसाणदिसि सुहुमजक्खनिवासे इंदपलासुज्जाणे समोसरिए महावीरे गोयमो छट्ठपारणए पविट्ठो वाणियग्गामे । रायमग्गओ संनद्धबद्धमज्झगयपायक्कवेढियं मोरबंधबंधो(बंधियं) उक्कत्तियकन्न-नासं तिलंतिलेण छेत्तु नियमसाणि [खाविज्जमाणं सोणियाणि य पाइज्जमाणं पेच्छइ जणमेगं] । पुण इय चच्चर-चच्चरे पडहएण घोसिज्जमाणं जहा - 'भो ! न उज्झियस्सेरिसे निग्गहे अवरझंति रायाइणो, किंतु नियकम्माणि' ।. .
तओ पज्जत्तभत्तपाणो गोयमो गओ सामिसमीवं । वंदित्ता भणइ – 'भगवं ! को सो पुरिसो जो
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |