Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 143

[१२६]
wwwwwwwwwwwwwwmummmmmmmmmore
महाविभूईए घेत्तुं गओ सुव्वयज्जाणं समीवं । वंदित्ता भणइ - 'भगवईओ ! मए पाणप्पिया एसा भज्जा संसारविरत्ता तुम्हं सीसत्ताए दिन्ना' । सुव्वयज्जाहिं वि 'जुत्तमेयंति वोत्तुं पव्वाविया विहिणा चारित्तमणुपालेइ ।
___ कयाइ य बहुजणस्स चेडरूवाणि दट्ठमुम्माहिया सुभद्दा तेसिं चेव मज्ज[ण]-मंडण-रमावणासत्ता भणिया सुव्वयज्जाहिं – 'महाणुभावे ! न जुत्तमेयं काउं सुतवस्सिणीणं, वासं च मुत्तुं मसि-गंधाइत्तणं(?)' । अनियत्तमाणा य सा हीलिज्जती साहुणीहिं चिंतइ – 'गिहत्थाऽहं सवसा आसि । संपयं पुण परव्वसा जाया । ता किमेयाहिं ? भिन्नोवासए चिट्ठामि' । जहाचिंतियं च काउं सुभद्दा चेडरूवेसु मुच्छिया सच्छंदा मरित्तु सोहम्मे कप्पे बहुपुत्तियविमाणे बहुपुत्तिया नाम देवी जाय'त्ति ।
एवं च साहिए सामिणा गोयमो भणइ – 'भगवं ! कहमिमीए बहुपुत्तिय त्ति नाम जायं ?' सामी भणइ – 'जेणेसा सक्कस्सोवत्थाणं कुणंती बहवे दारियाओ दारए य विउव्वइ, तेण बहुपुत्तिय'त्ति । गोयमो भणइ - 'भंते ! कत्तियाऊ बहुपुत्तिया कहिं च चुया होही ?' सामी भणइ - 'चउपलियाऊ तत्थ बहुपुत्तिया, चुया य तओ तहेव जंबुद्दीवे भारहे वासे विंझगिरिपायमूले वेसालासन्निवेसे माहणकुले सोमा नाम दारिया होही । सा जोव्वणत्था पुप्फिहाभाउगस्स रट्टकूड नामगस्स अम्मा-पिऊहिं दिन्ना भज्जा होही, पइवरिसं च जुवलगं जा(ज)णंतीए सोलसवरिसेहिं होहीति तीसे बत्तीसं दारगरूवाणि । तेहिं च सा अणवरयं सूयरि व्व उवताविज्जंती निव्विन्ना कयाऽवि सुव्वयज्जाओ दटुं पव्वज्जत्थिणी पई विन्नविस्सइ । रटुकूडेण य 'भुंजाहि ताव भोए । पच्छा अइक्कंतवया पव्वइज्जासु'त्ति भणिया सुव्वयज्जाणं समीवे साविया होही । बाहिं च वेसालासन्निवेसाओ विहरिऊणाऽऽगयाणं पुणो सुव्वयज्जाणं समीवे रटकूडाणुण्णाया सोमा पव्वइस्सइ । होउं च बहुवरिसाणि जहुत्तचारित्तणी मासं कयाणसणा सोहम्मे सक्कसामाणिओ दुसागरोवमाऊ देवो होही । तओ चुओ महाविदेहे वासे सिज्झिही'
एयं(इयाणि) पुण सोहम्मे चिट्ठइ जहा पंडरज्जा देवी ॥छ।।
तं जहा – सावत्थीए तरंगसेट्ठिधूया पोइणा नाम संबुद्धा पव्वइया पाससीसंतिए । सिढिलीहूया उ कम्मोदयओ सरीरोवगरणविभूसापरा जाया । तओ निच्चं निक्कियनेवत्थेणं पंडरा चिट्ठइ त्ति कयं लोगेण नामं पंडरज्ज त्ति । सा य विज्जा-मंत-वसीयरणुच्छाएण कोउएसु कुसल त्ति ताणि जणेसुं पउंजइ। जणो वि से पणयसिरो कयंजलीओ चिट्ठइ । अद्धवयाइक्कंता य पंडरज्जा वेरग्गमुवागया गुरुं विन्नवेइ जहा - 'आलोयणं देमि' । तेणाऽवि पडिवन्ने सव्वमालोइयं । तओ पुणो विन्नवेइ - 'न दीहं कालमहं सुद्धं पव्वज्जं पालिउं समत्था' । ताहे गुरूहि अप्पकालपरक्कम[त्थं?] विज्जा-मंताईयं सव्वं छड्डाविया । तओ काराविया अणसणं । निउत्तो य तप्पडिजागरणो गीयत्थसाहु-साहुणीवग्गो । भणिओ य सो – 'न लोगस्स कहेयव्वं जहा पवन्ना अणसणं पंडरज्जा' ।
सा वि भत्ते पच्चक्खाए चत्तं वसीकरणाइप्पओगाओ(इ) [त्ति] पुव्वि वउ(व न) बहुजणपरिवुड त्ति गहिया [सोगेण । तओ तीए] लोगवसीकरणी विज्जा मणसा आवाहिया । तव्वसेण य पुणो वि जणो पुप्फ-धूव-गंधहत्थो वंदओ एउमाढत्तो । ताहे आयरिएहिं पुच्छिओ साहु-साहुणीवग्गो –'किं तुब्मेहिं कहियं किं पि जणस्स ?' ते भणंति – 'नहि' । तओ पुच्छिया पंडरज्जा । सा भणइ – 'मए विज्जाए आगरिसिओ एइ जणो' । गुरूहि भणियं - 'न जुत्तमेयं काउं' । तओ विहिणाऽऽलोइयपडिक्कंता सम्म । थक्को य लोगो आवेतो । एवं च तिण्णि वाराओ जाव सम्म पडिक्कंता पंडरज्जा । चउत्थवेलाए पुण