Page Text
________________
[११६]
www
maawar
छिंदिऊणं च धमगस्स वि वत्थाईयं गया । पभाए य नग्गो दिट्ठो । पुच्छिओ य तेहिं - 'किमेयं ?' तेण भणियं -
'धमे धमे पमाणत्थ-मईवं तं न सोहेइ ।
जणाए धम्मणेणऽज्ज, हारियं धम्मणज्जियं' ॥ संखधमगो त्ति गयं ॥छ।
'ता तुब्भेहिं वि सामि ! नाऽइयारो काउमुचिओ' ।
ताहे जंबुनामेण भणियं - 'नाऽहं देवाणुप्पियाओ बंधणाण अणभिन्नू जहा सिलाजउवानरो'त्ति सिलाजउवानरकहा भण्णइ -
अस्थि विंझो नाम पव्वओ । तंमि वानर जूहं परिवसइ । तत्थेगो जूहाहिवई वानरे सव्वे धाडेइ, ते य पेरंतेसु हिंडंता अच्छति । अन्नया तत्थेगेण तरुणवानरेण सो जूहाहिवई पहइऊण निद्धाडिओ, एक्कंमि पव्वए अईव तण्हापरिकिलंतो पासित्ता एक्कंमि पएसे सिलाजउं झरंतं 'तोय'ति कालिऊण मुहं छुहइ । तं च तत्थेव सिलाजउंमि लग्गं । तेण चिंतियं – '[क]हं कड्डामि ?' तओ बाहाओ दो वि छूढाओ । ताओ वि तत्थेव लग्गाओ । एवं पाए वि । सो पंचहिं वि अंगेहिं लग्गो मओ । एवं सो वानरो जइ तुंडमेव केवलं सेससरीरेणाऽबद्धो कटुंतो [ता] मुंचतो । एवं च जो जीवो जिभिदियमेत्तगिद्धो [विसए]सु सिलाजउसरिसेसु पंचहिं वि इंदिएहि खुप्पइ सो वानरो व्व विणस्सइ त्ति छ। सिलाजउवानरो त्ति गयं छ।
'ता नाऽहं सिलाजउवानरसरिसो' । तओ नभसेणाए भणियं – 'सामि ! मा तुमं तहा होसु जहा थेरि'त्ति थेरीकहा भण्णइ -
एगंमि गामे दो थेरीओ सहियाओ परिवसंति । तत्थ य गामस्स बाहिं जक्खहरयं । तत्थ य ससन्निज्झो जक्खो परिवसइ । तं चेगा थेरी जक्खं आराहिउं पयत्ता । तं जक्खहरयं तिसंझं समज्जणोवलेवणाईहिं अणुचिट्ठइ । ताहे जक्खो परितुट्ठो भणइ – 'किं ते पयच्छामि ?' थेरी भणइ - 'ममेत्तियं
चेव कज्जं, जेण सुहं जीवामि तं मे देहि । जक्खेण भणियं - 'गच्छ तुमं, मम पायमूलाओ दिवसे दिवसे दीणारं लेज्जासु' । थेरी एवं करेइ । अवि य -
सा जक्खकयपसाया, अत्थं संचेइ निच्छियमईआ ।
सयणस्स जणवयस्स य, अहिययरं अड्डिया जाया ॥ सविभवाणुरूवं घरं कारियं । किवणाईण दाउं पयत्ता । 'कम्मारया य धरिया ।
ताहे इयरी तीसे रिद्धि दट्ठण समच्छरा चिंतेइ – 'कओ एसा रिद्धी ?' | पुच्छिया य सा । तीए वि वयंसिय त्ति काउं कहिओ जक्खवुत्तंतो । तीए चिंतियं - 'अहं पि जक्खं विसेसयरं आराहेमि' । आराहिओ य जक्खो भणइ – 'वरं भणाहि(मग्गाहि)' । थेरीए भणियं - 'जं एयाए थेरीए कयं तं दुगुणं [मे] करेसु' । जक्खेण भणियं – ‘एवं होउ' । ताहे सा दो दो दीणारे लेइ । इयरा उ[व]लद्धावुत्तंता] पुणरवि विसेसेण आराहिउं पयत्ता । जक्खो तुट्ठो भणइ – 'वरं मग्ग[सु]' । तीए चिंतियं – 'पुणो वि जक्खं आराहिऊण दुगुणं मग्गिस्सइ । ता करेमि से अवयारं' ति भणियं – 'एक्कं मे अच्छि फुट्टउ' ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |