________________
[११०]
होइ, माणुसो वि देवो । तओ पुणो पडतो तिरिओ चेव होइ त्ति काउं पुणरवि सो मक्कडो जाओ । सा य तस्स महिला रायपुरिसेहिं भमंतेहिं दिट्ठा । तओ घेत्तूण समप्पिया रन्नो । तेणाऽवि सयलंतेउरप्पहाणा देवी कया । सो वि वानरो कह वि तप्पएसमागएहिं नडेहिं घेत्तूण सिक्खवेडं (विओ) विविहं नट्टविहिं । अन्नया य ते नडा तस्स रन्नो तद्देवीसहियस्स पुरओ पेच्छणयं दरिसेंति । ताहे सो वानरो तं देवि पिच्छित्ता अंसूणि मुयंतो झूरेइ । देवी वि तं दट्ठूण अणुकंपाए वंदइ (भणइ)
भण्णइ
'जो जहा वट्टए कालो तहा सेवे [ज्ज] वानरा ! ।
मा वंजुलपरिब्भट्ठो संपयं पडणं सरी' ॥
वानरो त्ति गयं ॥ छ
'ता सामि ! तुमं पि संपत्तं सुहमिमं चयंतो वानरसमो भविस्ससि' ।'
जंबूनामेण भणियं – 'देवाणुप्पियाओ ! नाऽहं विसयतिसिओ जहा कोइल्लारओ त्ति । कोइल्लारयका
एगो कोइ कोइल्लारगमणूसो उण्हालए गहियपाणिओ कोइल्लयपाडणत्थं अडविं गओ । तत्थ य आयव-अग्गितावेहिं परिस्समेण य पुणो पुणो जलपिअणेण नट्ठपाणिओ तिसाभिभूओ निवाणाभिमुहं धाविउं तत्तो वच्चंतो चेवाऽइवपीडिओ त्ति अद्धमग्गट्ठिएगतरुबहलच्छायाए निवडिओ । तत्थ य खणमेत्ते सीयलच्छायासमासासिओ संपत्तपत्तलनिद्दो तग्गयचित्तत्तणओ सुमिणयंमि पाणियं पाउमाढत्तो । सोसिया य तेण कूव-तलाय-नई - दह - समुद्दा । तहा वि तित्तिमपावंतेण इओ तओ भममाणेण दिट्ठो कद्दमिल्लपाणिओ एगो जुण्णकूओ । तत्थ य चुलुईहिं पाणियं गिण्हेउमसक्कंतो जीहाए चट्टमाणो वि न तित्तो ।
कोइल्लारयसमो जीवो कूवाइजलतुल्लेसु वंतर - भवणवइ - जोइसिय-कप्पोववन्नकप्पाईयदेवभोगेसु जो न तित्तो सो कहं कद्दमिल्लजुन्नकूवतुल्लेसु माणुसभोगेसु तित्तिं लहिस्सइ ? ति ॥छा
'ता एवं नाऽहं तुच्छविसएसु रज्जामि' ।
ओ पउमसेणा भणियं 'सामि ! कम्मायत्ता जंतूणं परिणई । दिट्टंता उण संति विससु पवत्तग- निवत्तगा जहा नेउरपंडिया - सियाल त्ति नेउरपंडिया - सियालकहा भण्णइ
-
रायग नगरे देवदत्तो नाम सुवन्नयारो । तस्स पुत्तो देवदिन्नो नाम । तस्स भारिया दुग्गला नाम। अण्णया जलमज्जणनिमित्तं नई गया ण्हायंतीए एगेण दुस्सीलजुवाणेण दिट्ठ पढियं च -
'सुहायं ते पुच्छइ, [एस नई मत्तवारणकरोरु !] । एए य नईरुक्खा, क(अ)हं च पाएसु ते पडिओ' ॥ ता सा पडिभाइ
—
-
[ ' सुभगा हुंतु नईओ ], चिरं च जीवंतु जे नईरुक्खा । सुण्हायपुच्छगाणं, जं व पियं तं करिस्सामो' ॥
सो य तीसे घराईयं किमपि न याणइ । तओ तत्थाऽऽसन्नपएसट्ठियस्स रुक्खस्सऽ होठिए फलत्थिणो
