Page Text
________________
[१०४]
तओ जसमित्तेण भणियं - 'जाणता वि साहुणो न कहेंति सावज्जं । ता अहं चेव निमित्तसत्थोवएसेण कहेमि । सुम्मउ -
धीरो चित्ते सपरक्कमो य कारण जह सिलुच्छंगे । दटुं सुहम्मसामी, सुयणु ! तए सुट्ट तुट्ठाए ॥ वंदित्ता पुत्तजम्म, पुट्ठो तहा तण्ण हु ते जु[त्तं] । उच्छंगे तुह होही, तत्तो पुत्तो पहाणो त्ति ॥ सो वि य गुणरयणमओ, साहियसरेव्वो व्व(साहियसरूवो य) भगवया होही ।
जंबूनामो कयदेवसन्निही नत्थि संदेहो ॥ तओ एयं सोऊण धारिणीए भणियं - 'जइ एवं होही तो जंबूदेवयाए नामेण अट्ठत्तरसयं आयंबिलाण करिस्सामि' । [तओ] वंदिऊण य भयवं-सुहम्मसामि नयरं अणुपविट्ठाणि । दिट्ठो य णाए सुमिणमि सेओ सीहकिसोरो । कहियो य भत्तुणो । तेण भणियं – 'कहियमेवऽम्हं जसमित्तेणाऽऽसि जहा सव्वलक्खणसंजुत्तो जंबुनामधेओ पुत्तो भविस्सइ' । तओ सा तुट्ठा अच्छइ । ____एत्थंतरंमि सो विज्जुमाली देवो बंभलोगदेवलोगाओ चुओ तीए गब्भे संभूओ । दोहलो [य] से जाओ देव-गुरुपूयाए । पूरिओ सो उसभदत्तेण । तओ सड्ढसत्तदिणाहियनवमासेहिं जाओ पुत्तो । विहिओ वद्धावणयाइमहूसवो । पइट्ठिओ पिउणा जंबुनामा । सुजायसव्वंगपडिपुन्नो पुव्वज्जियपुण्णपब्भारवसेण सुहं सुहेण वद्धंतो जोव्वणमणुप्पत्तो ।
एत्थंतरंमि नाऊणाऽवसरमम्मा-पिऊहिं तण्णिमित्तं वरिआओ अट्ठ कण्णगाओ । तं जहा – रायगिहवत्थव्वगाणं समुद्दपिय १-समुद्ददत्त २-कुबेरदत्त ३-कुबेरदत्त४सत्थवाहाणं कमेण पउमावई १-कणगमाला २-विणयसिरी ३-धणसिरि ४भज्जाहिं ताव(ओ) चेव विज्जुमालिदेवीओ चविऊण जायाओ [समुद्दसिरी १]-पउमसिरी २-पउमसेणा ३-कणगसेणा ४-नामिगाओ चउरो वि वरियाओ । तहा अवराओ तत्थेव वत्थव्वगाणं कुबेरसेण १-वेसमणदत्त २-वसुसेण ३-वसुपालिय ४-सत्थवाहाणं कमेण कणगवई १सिरिसेणा २-वीरमई ३-जयसेणा भज्जाहिं जायाओ नभसेणा-१-कणगसिरी २-कणगवई ३-जयसिरी ४नामिगाओ चउरो वि वरियाओ ।
एत्थंतरंमि य तत्थेव पुणरवि भयवं सुहम्मसामी समवसरिओ । सुओ य जंबुनामेण । गओ य तत्थ सुहम्मसामिसमीवं । कहिओ य तेण तस्स निव्वेयजणणो धम्ममग्गो । परिणओ य चित्ते । तओ वंदिऊण भणियं जंबुनामेण - 'भयवं ! जाव अहं माया-पियरं पुच्छामि ताव तुब्भंतिए पव्वज्जं करिस्सामि'। भगवया भणियं - 'अविग्धं देवाणुप्पिया ! मा पडिबंधं करेहि' । तओ पणमिऊण रहमारूढो पत्तो नयरदुवारं । तं च रह-तुरग-गयवराईहिं निरुद्धं दट्ठण चिंतेइ – 'जाव पवेसं पडिवोलेमि ताव कालाइक्कमो भवेज्ज । ता सेयं मे अण्णेण दुवारेण सिग्धं पविसिउं' । परावत्तिओ रहो । पत्तो अण्णदुवारं, जाव तत्थ वि परचक्कभएण अणागयमेव पागारोवरि संठियजंतेहिं ओलंबमाणीओ जंतसिलाओ चिट्ठति । ताओ य दट्टण चिंतियं जंबुनामेण – 'जइ [ए]याओ कह वि मह रहोवरि निवडेज्जा तोऽहमविरओ चेव दुग्गई गच्छेज्ज' ।
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |