Page Text
________________
[१०३]
ANNNNNNNNNNN
भणइ - 'अहो ! मे कुलं उत्तमं' । तस्स य कुलपसंसावयणं सोऊण सेणिओ राया पुच्छइ – 'भगवं! एस देवो सकुलपसंसं कुणइ केण कारणेण ?' भगवया भणियं सुणाहि -
__इहेव नगरे गुत्तमई नाम इब्भो आसि । तस्स दुवे पुत्ता – उसभदत्तो जिणदासो य । तत्थ जेट्ठो सीलवंतो कणिट्ठो उण जिणदासो मज्जवेसा-जूयपसंगी । तओ सो उसभदत्तेण सयणवि(च)यं काउं अभाया चेव अज्जप्पभिई मए एसो जिणदासोऽत्थि कालक्खरिओ' ।
अण्णया य सो बलणवयणो(?) जूयकारेण सह रममाणो दायविसंवाए विरूवगं धोल्लातो(बोल्लंतो?) तेणाऽऽउहेणाऽऽहओ । तओ तं मरिउकामं दट्ठण भणिओ सयणजणेणुसभदत्तो जहा - 'जिणदासं वयणदास(य)हम्मियं संपयं पडियग्गसु जेण ते जसा(सो) होइ' । तओ सो गओ तस्समीवं । दट्ठण य जिणदासेण भणिओ उसभद्दत्तो - 'ब्भसाय(भाउय?) ! अविणीयस्स मे सव्वं खमित्ता परलोगं पत्थियस्स उवएससहाओ होहि' । उसभदत्तेण भणियं – 'जिणदास ! मा विसायं वच्च । तहाऽहं जुत्तं करिस्सं जहा जीवसि तुमं' । सो भणइ – 'नऽज्ज मे जीवियलोभो किंतु भत्तं पच्चक्खाइस्सं' । तओ कयनिच्छओ परिचत्तसव्वारंभो विहीए कालं काऊण जंबुद्दीवाहिवई एसोऽणाढियदेवो जाओ । संपयं पुण “जेठुस्स मे भाउगस्स चरमकेवली पुत्तो भविस्सइ"त्ति तुट्ठीए कुलपसंसं काउं पणमित्ता गओ' ।
तओ गओ विज्जुमाली नियट्ठाणं ति । ताओ वि विज्जुमालिदेवीओ सोउमेवं भगवंतवयणं लज्जंतीओ गंतुं पसण्णचंदकेवलिं वंदित्ता पुच्छंति – 'भयवं ! इओ अहं विज्जुमालिणा देवेण विउत्ताणं आगामिजम्मे पुणो एएण सह समागमो भविस्सइ न वा ?' तेण भणियं – 'तुब्भे इहेव रायगिहे नगरे समुद्दपिय १-समुद्ददत्त २-सागरदत्त ३-कुबेरदत्ताणं ४ इब्भाणं धीयाओ भविस्सह । तत्थ तुम्हमिमेण देवेण मणुस्सभूएण सह समागमो भविस्सइ । तओऽणेणेव सह जिणभणियं संजममणुपालित्ता गेवेज्जगे वासुदेवा(गेवेज्जगवासिदेवा) भविस्सह' । तओ सोऊणेवं केवलिवागरियं हिट्ठाओ वंदित्ता गयाओ देवीओ । पसण्णचंदो वि कमेण निव्वाणमणुप्पत्तो त्ति ॥छ। पसण्णचंद-विज्जुमालिणो त्ति गयं ॥
विज्जुमाली य जाओ जंबूनामो त्ति जंबूनामकहा भण्णइ -
रायगिहे नयरे उसभदत्तो नाम इब्भो सावओ । तस्स धारिणी नाम भज्जा । सा य पुत्तत्थिणी सुट्ठ अद्धिई करेइ । तओ उसभदत्तेण तीए विणोयणथमिमं भणियं - 'एहि गच्छामो विब्भारगिरिवरं, जेण तत्थ रम्मुज्जाणेसु कीलामो' । पडिवण्णं च तीए । तओ सह समुदएण रहवरारूढा गया वेब्भारसमीवं । तओ रहादुत्तरिऊण पव्वयमारुहित्ता वच्चंति जाव [उ]ज्जाणदेसे ताव सहस त्ति दिट्ठो जसमित्तो नाम तेहिं सावगो सिद्धपुत्तो । पुच्छिओ य उसभदत्तेण - 'कत्थ पत्थिओ ?' तेण भणियं – 'इह चेवुज्जाणे महावीरसामिसीसो पंचमगणहरो सुहम्मसामी समोसरिओ चिट्ठइ । तव्वंदणत्थमहं चलिओ। जइ अत्थि उच्छाहो ता तुब्भे वि एह वंदह' । तेहिं भणियं – 'सुट्ठ वंदिस्सामो' ।
तओ सव्वेहिं वि गंतूण वंदिओ परमभत्तीए सुहम्मसामी । तओ लद्धावसरेणं पुच्छिओ जसमित्तेण - 'भयवं ! जस्स जंबूरुक्खस्स नामेणेसों जंबुद्दीवो भण्णइ तस्स सरूवं कहेह' । भगवया वि विविहजच्चरयणमयावयवस्स अच्वंतरमणीयस्स कहियं तस्स सरूवं । एत्थंतरंमि य लद्भूणाऽवसरं पुत्तत्थिणीए पुच्छियं धारिणीए – 'भयवं किं मे पुत्तो होही न वा ?'
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |