Page Text
________________
[१५]
1
तओ सुमंगलदेव उव्वट्टिऊण रायगिहे पसेणइस्स रण्णो सेणिओ [नाम पुत्तो] जाओ । सेणियदेवो वि उव्वट्टित्ता सेणियस्स रण्णो चेल्लणाए देवीए गब्भो जाओ । सा य पुव्वकम्म (य) नियाणगब्भवसेण 'सेणियं जइ [अ]च्छीहिं वि न पेच्छामि'त्ति विरागं गच्छंती 'गब्भस्सेमस्स [चेव] को वि दोसो'त्ति परिभाविय बहूणि गब्भसाडणाणि करावेइ । न य बलियाउयत्तणओ सो पडिओ । तओ 'सेणियस्स जइ अंताणि खामि'त्ति संजायदोहला कस्स अकहेंती गाढं दुब्बला जाया । तओ निब्बंधेण पुच्छियाए कहियं ती सेणिस्स । तेणाऽवि कहियमभयकुमारस्स ।
तओ अभयकुमारेण मत्तवारणगयाए चेल्लणाए पेच्छंतीए हेट्ठा संधयारे पृएसे उल्लारियस्स सेणियस्स पोट्टोवरि संचियं मंसं ससगचम्ममुक्कत्तावित्ता दिण्णं । सेणिओ वि पोट्टे बद्धपटहो कइवयदिणाणि धरिओ पच्छण्णो । चेल्लणाए पुण सेणियचितणेण दुक्खियाए गब्भचितणेण तुट्ठाए पुण्णदोहलाए जाओ समए पुत्तो । वद्धाविओ तुट्ठो राया ।
तओ चेल्लणा 'रन्नो अहियं'ति तं जायपुत्तं दासीए समप्पित्ता असोगवणे छड्डावेइ । दासी [ ए ] वि तहेव काउं निवेइअं रण्णो । तओ सेणिओ संभंतचित्तो सहस त्ति गओ असोगवणं । दद्धुं च तेणं गोनतु(गयणु?)ग्गयचंदो व्व तमसोगवणमुज्जोवंतो त्ति कयअसोगचंद नामको आणित्ता समप्पिओ धाई । भिडिया य चेल्लणा 'किस तए पढमपुत्तो छड्डाविओ ?"
-
इओ य असोगचंदो असोगवणे छड्डिज्जतो चेव पुव्वपडियकुक्कुडपिंछेण कह वि * वेढंगुलीए विद्धो । तीए य अईव सुकुमालाए अरुज्झतीए सो पीडिओ रोवंतो न थक्कइ । वल्लहत्तणओ य सेणिओ तमंगुलिं गलंतपूइरुहिरमवि मुहे वोढुं जाव धरेइ ताव सो सुहं लहइ । सा य रूढा वि किंचि कूणा जाया । ओ परियणेण कूणिय नामेण चेव पसिद्धिमुवागओ ।
ओ चेल्लाए अण्णे वि दो पुत्ता हल्ल- विहल्लनामगा जाया । तहा सेणियस्स अण्णेसिं देवीणं कालाईया दस पावा(?) पुत्ता आसि । जया सेणिओ कुमारेहिं सहाऽऽसवाहिणियाए निग्गच्छइ तया चेल्लणा 'भुक्खिया कुमार'त्ति तत्थ ठियाणं चेव कल्लेउयग (?) निमित्तं दासचेडीए हत्थे दाऊण मोयगे पट्ठवेइ । तत्थ वि कोणियस्साऽणिट्ठत्तणओ गुलमोयगे हल्लविहल्लाणं च खंडमोयगे पेसेइ । तओ कोणओ हल्ल - विहल्ले खंडमोयगे खायंते दण सयं गुड्डु भक्तो 'ममे सेणिओ दवावेइ' त्ति संकाए कलुसियचित्तो वि न नाओ सेणिएण जहा पसन्नचंदो त्ति छ |
पसण्णचंदकहा भण्णइ
अत्थि पोयणपुरे नयरे सोमचंदो राया । तस्स धारिणी देवी । सा कयाइ रण्णो [ओ]लोयणगयस्स 'सामि ! दूओ आगओ' । रन्ना दिट्ठी विसारिया । न य पस्स [इ
केसे रयंती पलियं दट्ठूण भण अपुव्वं जणं । ततो भणति 'दिव्वं ते चक्खु' ।] तीए पलियं दंसियं 'धम्मदूओ एसो'त्ति । तं च दट्ठूण परुण्णो राया । उत्तरियस्स य से अंसूणि फुसंती देवी भण 'जइ लज्जसि वुड्डभावेण ता वारिज्जिही जि (ज) णो' । सो भणइ 'देवि ! [न] एवं, किंतु कुमारो [ बालो] असमत्थो पयापालणे । तेण मे मन्नुं जायं । पुव्वपुरिसाणुचिन्नमग्गेण नाऽहं गओ त्ति । ता तुमं कुमारं पसन्नचंदं संरक्खंती * काणंगुलीए इति आव. चूर्णौ ।
-
-
-
-
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |