Page Text
________________
[८६]
लीलावई नाम अईव रूववई ] धीया । सा य कुट्टिमोवरि रमंती दद्धुं लोलविज्जाहरेणा - Saहरिया । नाउं च तीसे हरणं राया भणइ 'सो जो कण्णगमाणेइ तस्सेव सा मए दिन्ना' ।
भणइ
सोउं चेमं रण्णो सच्चराओ नाम नेमित्ती पसिणवेलागयलगण - पसिणक्खराण बलाबलं निरूवित्ता 'देव ! अमुगदिसाए अमुगविज्जाहरेण हरिज्जती वि कण्णा नूणमुवायओ वलिस्सइ' । सोउं चेमं [अल्लिगो नाम सारही नियं] रहं घेत्तुमुवट्ठिओ भइ 'देव ! आगासगामी ममेसो रहो । ता भणह जत्थ नेमि' । सोउं चेमं सहस्सजोही सूरपालो नाम जोहो भणइ - 'देव ! आदिसह जेण तं दुट्टं विज्जाहरं निग्गहित्तु कण्णमाणेमि' । सोउं चेमं संधीरणो नाम वेज्जराओ भणइ – 'देव ! छिन्नसीसं पि खणेणाऽहमोसही हिं पउणीकरेमि ।
-
सोउं चेमं विसज्जिया रन्ना चउरो वि संवदित्तु ते चडिया रहेण । सच्चरायसच्चवियदिसं च गयणंमि रहं तेण अल्लिगसारहिणा झड त्ति पहुत्ता पिट्ठओ । तओ हक्क - पोक्काहिं संजाए संगामे सूरपाले मारिओ लोलो । तेण य मरंतेण छिण्णं सीसं लीलावईए । तं च संजीवणोसहीहिं तक्खणमेव पुणन्नवीकयं संधीरणेण । तओ घेत्तुमागयाण तेसिं चउण्हं पि दिण्णा रण्णा लीलावई भणइ - 'नाऽहमणेगपत्ती होहं, किंतु जलणं साहिस्सामि । जो य मए सममरिंग पविसइ सो भत्ता होही । को य तीए समं पविट्ठो ? त्ति साहेहि' ।
'न याणामित्ति दासीवुत्ते तहेव पुणो लद्धवारया दासीपुट्ठा चित्तयरसुया भण 'रहगार - जोहवेज्जा जीवियत्थिणो न पविट्ठा । नेमित्ती पुण नेमित्तओ "न सा मरिस्सइ "त्ति नाउं लीलावईए समं चडिओ चीयाए । तीसे हेट्ठा पुव्वमेव पच्चइयपुरिसेहिं सुरंगं कारिऊण विरइयाणि लीलावईए कट्ठाणि । दवाविओ य कट्ठेसु निज्जलइ जाव अग्गी ताव तेसिं दोन्ह वि सुरंगाए नीसारियाण रायाणुन्नाए वित्तो वीवाहो' ।
तओ 'नायमिममण्णं साहसु'त्ति दासीपुट्ठा चित्तयरसुंया भणइ 'अत्थि सुपुप्फनयरे मेहरहसत्थवाहभज्जा धणेसरी नाम ववहरिया । तीए सुंदरी नाम बाला दुहिया । देइ य धणेसरी कलंतरेण जाणं दम्मे । तीए कयाइ पगरणे संजाए गहणगे य (ध) रिया सोवन्नकडया । ते य 'मा कलंतरं नस्सउ 'त्ति गो (कडग ? ) सामियं पुच्छित्ता परिहिया नियधीयाए । वत्ते य पगरणे कडग [ सा ] मिणो मेल्लावितस्स वि न मुक्का । [ताहे नायकरणत्थं रायउले ] गएसु य कडगसामी भइ 'ववहरिए ! नियदम्मे घेत्तुं कडगें समप्पेहि' । ते य कडगा तिम्मुह त्ति महंतीहूयाए डिक्करिगाए बाहासु खुत्ता नोत्तारिडं तीरंति । धणेसरी 'वेगल्लमोल्लं घेत्तुं कडगे पुहय ( मुयह) । ते नेच्छति । तओ साहू भइ 'न सक्का धीयाए हत्था छिंदावेडं, ता तुम्हमन्ने घडाविऊणेरिस कडगे देहि' । तह वि ते नियकडगे चेव मग्गंता डिक्करिगाकर अच्छिदणेण कहं संठवेयव्व त्ति साहेहि ।
भणइ
-
-
-
-
-
'न याणामि'त्ति दासीवुत्ते तहेव पुणो लद्धवारया दासीपुट्ठा चित्तयरसुया भणइ 'तेसिभिममुत्तरं कीरइ 'जे तुम्ह अम्हेहिं दिण्णा दम्मा ते चेव जइ समप्पेह तो तुम्हमिमे कडगे समप्पेमो 'ति ।
-
एवं च पइदिणं दंदोलिकहाणगाणि कहंतीए चित्तयरसुयाए छम्मासे जावाऽऽणीओ राया । सवक्कीओ य से सरोसाओ छिद्दाणि जोएंति । सा य पविस्सोव्वरयं पिहियदुवारा पिउसंतियं घट्ट-कंचुलियाकूडयकंठिगाई ओढिऊणुवविट्ठा पुरओ निच्चमप्पाणमणुसासंती भणइ - 'जीव ! तुमं चित्तयरधूया, पिउसंतियं
| SR No. | 007109 |
| Book Title | Kahavali Pratham Paricched Part 02 |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2016 |
| Total Pages | 378 |
| Language | Sanskrit |
| Classification | Book_Devnagari |
| File Size | 13 MB |