Kahavali Pratham Paricched Part 02

SR No.: 007109
Original Sutra Author: N/A
Author: Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad
Publication Year: 2016
Total Pages: 378
Language: Sanskrit
Classification: Book_Devnagari
File Size: 13 MB

Page 101

[८४]
बहुमाणुसाणमेगागीण य चित्तयराणं चित्तणत्थं सम[म]प्पियं खेत्तं । तइओ मम पिया, जेण अगुणन्नुणो वि रण्णो निक्कवडं चित्तंतेण निट्ठवियं पुव्वविढत्तं पि दव्वं, संपयं पुण भोयणं सीयलावियं । चउत्थो पुण तुमं जो सज्जक्खो वि कित्तिमाकित्तिमाणं पिछाणं विसेसं न याणसि' ।
तओ 'अहो से छइल्लतणाइसओ'त्ति भावेंतो गओ राया । चित्तयरसुया वि पियरं भुंजाविउं गया सगिहं । .
पओससमयंमि य रन्ना पट्ठविओ तीसे तायस्स समीवे सिक्खविउं मणूसो, भणियं च – 'देहि रण्णो नियधीयं' । भय-विम्हयाइकायरेण भणियं चित्तयरेण – 'किमम्हं धीयाए रूव-विहवरहियाए परमेसरो करिस्सइ ?' तन्निवेयणत्थं च गए मणूसे तीए सिक्खविओ जणओ - 'जइ पुणो [आ] गंतुमिमो मग्गेइ ता भणेज्जसु – 'कहमहं दरिदो रन्नो विवाहव्वयं काउं समत्थो ?' पेसियस्स रण्णा पुणो मणूसस्स पुरओ साहियं तं । तेण मणूसेण वि गंतुं तहा सिढे रण्णा धण-कणगाइसंपुन्नं चित्तयरगिहं काऊण परिणीया चित्तयरसुया ।
सुइया य रयणीए सहरिसं । तीए य जा अणागयमेव सिक्खविया आसि मयणिया नाम दासी जहा – 'कीलिऊण रन्नो सुविउकामस्स तए अहं कहाणयं पुच्छियव्वा' सा तस्समओवट्ठिया भणइ – 'जाव सामिणि ! उठेइ राया ताव मे किंचि कहाणयं कहेहि' । चित्तयरसुया भणइ – 'साहेमि, सुण' ।।
___'अत्थि वसंतउरे वज्जणो नाम सेट्ठी । तेण य एगखंडपाहाणमया एगहत्थप्पमाणा काराविया देवउलिया । तम्मज्झे पइट्ठाविओ चउहत्थो देवयाविसेसो' । मयणिया भणइ – 'सामिणि ! कहं एगहत्थाए देउलियाए चउहत्थो माइ देवो ?' । कणयमंजरी वि 'हले ! सुट्ठ निदाइया सुयामि ताविहि । कल्ले कहिस्सामि' त्ति वोत्तुं सुत्ता । तीसे य दंदोलीए निद्देसचोज्जिएण रण्णा बीयदिणे वि चित्तयरसुयाए चेव दिण्णओ वारओ ।
तंमि य तहेव दासी भणइ – 'सामिणि ! तं अद्धकहियं कहेसु कहाणयं' । सा भणइ – 'हले ! चउभुओ सो देवो, न उण चउहत्थप्पमाणं तस्सरीरं'ति । तओ दासी भणइ – 'नायमेयं । अण्णं कहिहि' । सा भणइ - 'सुम्मउ । अत्थि मायंदीनयरीए जक्खो नाम सत्थवाहो । तस्स य सुमई नाम भज्जा । तीसे वसुदत्तो नाम पुत्तो, वसमई नाम धीया । सा य अईव पिया पिउ-माउ-भाऊणं । अण्णया य समागओ वसुमईवरगो जणयसगासे । तेण य दिण्णा तस्स, परं विसुमरियं ति न साहियं तं भज्जा-पुत्ताणं । अवरो उण आगओ जणणीसमीवं । तीए वि दिन्ना तस्स, परं न साहियं पइ-पुत्ताणं । एवं भाउणा वि, नवरं न साहियं अम्मा-पिऊणं । तओ संपत्तासु लगणदिणे तिण्हं पि जन्नजत्तासु सप्पदट्ठा मया कन्नगा। तीए य सममेगो वरो पविट्ठो जलणं । बीओ पुण "जइ सा न जीविस्सइ ता मे भोयणस्स अण्णजम्म"ति वोत्तुमुवविट्ठो अणसणं । तइयवरेण य सम्ममाराहियदेवाओ लद्धसंजीवणमंतेण चियाए गंतूणं जिया(जीवाविया?) कन्नगा । सा य सरिसदड्डेण सह ठिया । तेसिं च तिण्हं पि [तं] परिणिउमणाणं मज्झे दायव्वा कस्स सा कण्णगा?' । दासी भणइ - 'न याणामि सामिणि ! साहस' । सा वि 'निघाइया अहं. कल कहिस्सं'ति वोत्तुं सुत्ता ।
तओ तहेव लद्धवारया भणइ – 'जओ जिऊणुटुविया कण्णगा सो तीए पिया । जो उण सममुट्ठिओ