________________
१९८
जम्बूद्वीपप्रज्ञप्तिसूत्रे
पन्नत्ते, ४ । जंबुद्दीवेणं भंते ! दीवे मंदरस्स पव्वयस्स केवइयाए अबासव्वतरे णक्खत्तमंडले पन्नत्ते ? गोयमा ! चोयालीसं जोयणसहस्साइं अट्ठयवीसे जोयणसए अबाहाए सबाहिरए सव्वमंतरे णक्खत्तमंडले पन्नत्ते इति । जंबुद्दीवेणं भंते ! दीवे मंदरस्स पव्वयस्स केवइयाए अबाहाए सव्वबाहिरए णवखत्तमंडले पन्नत्ते ! गोयमा ! पणयालीसं जोयणसहस्साइं तिष्णि य तीसे जोयणसए अबाहाए सव्व बाहिरए णक्खत्तमंडले पन्नत्ते इति ५ । सव्वन्तरे णक्खत्तमंडले केवइयं आयामविवखंभेणं केवइयं परिक्खेवेणं पन्नत्ते ! गोयमा ! णवणउई जोयणसहस्साइं छच्च चत्ताले जोयणसए आयामविक्खंभेणं तिष्णि य जोयणसयसहस्साइं पण्णरससहस्साई एगुणणवतिं च जोयणाई किंचि विसेसाहिए परिक्खेवेणं पण्णत्ते । सव्वबाहिरएणं भंते ! णक्खत्तमंडले केवइयं आयामविवखंभेणं केवइयं परिक्खेवेणं पण्णत्ते ? गोयमा ! एगं जोयणसय सहस्सं छच्च जोयणसए आयामविक्खंभेणं तिष्णि य जोयणसय सहस्साइं अट्ठारस य सहस्साइं तिष्णि य पण्णरसुत्तरे जोयणसए परिक्खेवेणं । जयाणं भंते! णक्खते सव्वमंतरमंडले उवसंकभित्ता चारं चरइ, तयाणं एगमेगेणं मुहुत्तेणं केवइयं खेत्तं गच्छइ, गोयमा ! पंच जोयणसहस्साइं दोणि य पण्णट्टे जोयणसए अट्टारस य भागसहस्से दोणि य तेवट्टे भागसए गच्छइ मंडलं एकवीसाए भागसहस्से हिं वहिय सहिं सएहिं छेत्ता । जयाणं भंते ! णक्खत्ते सध्वबाहिरं मंडलं उवसंकमित्ता चारं चरइ तयाणं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साइं तिष्णि य एगूणवीसे जोयणसए सोलसय भागसहस्से तिष्णि य पण्णट्टे भागसए गच्छइ, मंडलं एगवोसाए भागसहस्सेहिं णवहिय सट्टेहिं सएहिं छेत्ता । एएणं भंते! अट्ट णक्खत्तमंडला कइहिं चंद मंडलेहिं समोयरंति ? गोयमा ! अहिं चंद मंडलेहिं समोयरंति तं जहा पढमे चंदमंडले तइए छट्टे
જમ્બુદ્વીપપ્રજ્ઞપ્તિસૂત્ર
