________________
सूर्यज्ञप्तिप्रकाशिका टीका सू० २७ षष्ठं प्राभृतम्
अथ षष्ठं प्राभृतं प्रारभ्यते मूलम्-ता कहं ते ओयसंठिई आहिया ति वएजा, तत्थ खलु इमाओ पणवीसं पडिवत्तिओ पण्णत्ताओ, तत्थ एगे एवमाहंसु-ता अणुसभयमेव सूरियस्स ओया अण्णा उप्पज्जे, अण्णा अवेइ, एगे एवमाहंसु ॥१॥ एगे पुण एवमाहंसु-ता-अणुमुहुत्तमेव सूरियस्स ओया अण्णा उप्पज्जइ अण्णा अवेइ एगे एवमाहंसु ॥२॥ एएणं अभिलावेणं
यव्वा, ता-अणुराइंदियमेव, ता अणुपक्खमेव, ता अणुमासमेव, ता ता अणुउउमेव, ता अणुअयणमेव, ता अणुसंवच्छरमेव, ता अणुयुगमेव, ता अणुवाससयमेव, ता अणुवाससहस्समेव, ता-अणुवाससयसहस्समेव, ता अणुपुत्वमेव, ता अणुपुवसयमेव, ता अणुपुत्वसहस्समेव, ता अणुपुव्वसयसहस्समेव, ता अणुपलिओवममेव, ता अणुपलिओवमसयमेव, ता अणुपलिओवमसहस्समेव, ता अणुपलिओवमसयसहस्तमेव, ता अणुसागरोवममेव, ता अणुसागरोवमसयमेव, ता अणुसागरोवमसयसहस्समेव, एगे एवमाहंसु-ता-अणुउस्सप्पिणीमेव सूरियस्स ओया अण्णा उववज्जेइ अण्णा अवेइ, एगे एवमाहंसु, ।। वयं पुण एवं चयामो, ता तीसं तीसं मुहुत्ते सूरियस्स ओया अवट्ठिया भवइ, तेण परं सूरियस्स ओया अणवट्ठिया भवइ, छम्मासे सूरिए ओयं णिबुड्ढेइ ति, छम्मासे रिए ओयं अभिवड्डे, णिक्खममाणे सूरिए देसं णिवुई, पविसमाणे सूरिए देसं अभिवुड्डेइ, तत्थ को हेऊत्ति वएजा, ला अयण्णं जंबुद्दीवे दीवे सव्वदीवसमुदाणं जाव परिक्खेवेणं, ता जया णं सूरिए सव्वभंतरं मंडलं उवसंकमित्ता चारं चरइ तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहत्ता राई भवइ, से णिक्खममाणे सूरिए णवं संवच्छरं अयमाणे पढमंसि अहोरत्तंसि अभितराणंतरं मंडलं उवसंकमित्ता चारं चरइ, ता जया णं मूरिए अभितराणंतरं मंडलं उवसंकमित्ता चारं चरइ;
શ્રી સુર્યપ્રજ્ઞપ્તિ સૂત્ર: ૧
