________________
E
५००
सूर्यप्रज्ञप्तिसूत्रे तया गं एगेणं राइदिएणं एगं भागं ओयाए दिवसखित्तस्स णिवुड्डित्ता रयणिक्खेत्तस्स अभिवड्डित्ता चारं चरइ, मंडलं अट्ठारसहिं तीसेहिं सएहिं छित्ता, तया णं अट्ठारसमुहुत्ते दिवसे भवइ, दोहिं एगट्ठिभागमुहुत्तेहिं ऊणे दुवालसमुहुत्ता राई भवइ, दोहि एगद्विभागमुहुत्तेहिं अहिया, से णिक्खममाणे सूरिए दोच्चंसि अहोरसि अभितरतच्चं मंडलं उवसंकमित्ता चारं चरइ, ता जया णं सूरिए अभितरतच्चं मंडलं उवसंकमित्ता चारं चरइ तया णं दोहिं राइंदिएहिं दो भागे ओयाए दिवसखेत्तस्स णिवुड्डित्ता रयणिखित्तस्स अभिवढेत्ता चारं चरइ, मंडलं अट्ठारसहिं तीसेहिं सएहिं छेत्ता तया णं अट्ठारसमुहुत्ते दिवसे भवइ, चउहिं एगट्ठिभागमुहुत्तेहिं ऊणे दुवालसमुहत्ता राई भवइ, चउहिं एगट्ठिभागमुहत्तेहिं अहिया, एवं खलु एएणुवाएणं णिक्खममाणे सूरिए तयाणंतराओ तयाणंतरं मंडलाओ मंडलं संकममाणे संकममाणे एगमेगे मंडले एगमेगेणं राइंदिएणं एगमेगेणं दो भागं ओयाए दिवसखेत्तस्स णिवुड्डेमाणे णिवुड्डमाणे रयणिखेतस्स अभिवुड्डेमाणे अभिवुड्डेमाणे सव्वबाहिरं मंडलं उवसंकमित्ता चारं चरइ, ता जया णं सूरिए सव्वभंतराओ मंडलाओ सब्वबाहिरं मंडलं उवसंकमित्ता चारें चरइ, तया णं सबभंतरं मंडलं पणिहाय एगेणं तेसीतेणं राइंदियसएणं एगं तेसीतं भागसयं ओयाए दिवसखेत्तस्स णिवुड्ढेत्ता स्यणिखेत्तस्स अभिवुड्वेत्ता चारं चरइ, मंडलं अट्ठारसहिं तोसेहिं छेत्ता, तया णं उत्तमकट्टपत्ता उक्कोसिया अटारसमुहुत्ता राई भवइ जहपिणए दुवालसमुहुत्ते दिवसे भवइ, एस णं पढमच्छमासे एस णं पढमस्स छम्मासस्स पजवसाणे, से पविसमाणे सूरिए दोच्चं छम्मासं अयमाणे पढमंसि अहोरसि बाहिराणंतरं मंडलं उवसंकमित्ता चारं चरइ, ता जया णं सूरिए बाहिराणतरं मंडलं उवसंकमित्ता चारं चरइ, तया णं एगेणं राइंदिएणं एगं भागं ओयाए रयणिक्खेत्तस्स णिवु.
શ્રી સુર્યપ્રજ્ઞપ્તિ સૂત્ર: ૧