________________
७४
प्रज्ञापनासूत्रे
लेश्या विशेषवक्तव्यता- उद्देश २
मूलम् - क णं भंते । लेस्साओ पण्णत्ताओ ? गोयमा ! छल्लेस्साओ पण्णत्ताओ, तं जहा - कण्हलेस्सा, नीललेस्सा, काउलेस्सा तेउलेस्सा, पम्हलेस्सा, सुक्कलेस्सा, नेरइयाणं भंते ! कइलेस्साओ पण्णत्ताओ ? गोयमा ! तिन्नि लेस्साओ पण्णत्ताओ, तं जहा कण्हलेस्सा, नीललेस्सा, काउलेस्सा, तिरिक्ख जोणियाणं भंते ! कइलेस्साओ पण्णत्ताओ ? गोयमा ! छल्लेस्साओ पण्णत्ताओ, तं जहा- कण्हलेस्सा जाव सुक्कलेस्सा, एगिंदिया णं भंते! कइलेस्साओ ? गोयमा ! चत्तारिलेस्साओ पण्णत्ताओ, तं जहाकण्हलेस्सा, जाव तेउलेस्ता, पुढविकाइया णं भंते! कइलेस्साओ पण्णताओ ? गोयमा ! एवं चेव, आउवणस्सइकाइयाण वि एवं चेव, तेउवाउबेइंदिय इंदियचउरिंदियाणं जहा नेरइयाणं, पंचिदियतिरिक्खजोणियाणं पुच्छा, गोयमा ! छल्लेस्सा, कण्हलेस्सा जाव सुक्कलेस्सा, संमुच्छिमपंचिदियतिरिक्ख जोणियाणं पुच्छा, गोयमा ! जहा नेरइयाणं गब्भवक्कंतियपंचिदियतिरिक्खजोणियाणं पुच्छा, गोयमा ! छल्लेस्सा- कण्हलेस्सा- जाव सुक्कलेस्सा, तिरिक्खजोणिणीणं पुच्छा, गोयमा । छल्लेसा एयाओचेव, मणूसाणं पुच्छा, गोयमा ! छल्लेस्सा एयाओ चेव, संमुच्छि ममणुस्साणं पुच्छा, गोयमा ! जहा नेरइयाणं, गग्भवककंतियमणुस्साणं पुच्छा, गोयमा ! छल्लेसाओ पण्णत्ताओ, तं जहा कण्हलेस्सा जाब सुक्कले स्सा, मणुस्सीणं पुच्छा. गोयमा ! एवं चेव, देवाणं पुच्छा, छ एयाओ चेव, देवीणं गुच्छा, गोयमा ! चत्तारि कण्हलेस्सा जाव तेउलेस्सा, एवं भवणवासिणीण वि, वाणमंतरदेवाणं पुच्छा, गोयमा ! एवं चेत्र, वाणमंतरीण वि, जोइसियाणं पुच्छा, गोयमा ! एगा तेउलेस्सा, एवं जोइसिणीण वि, वेमाणियाणं पुच्छा, गोयमा ! तिन्नि पण्णत्ताओ, तं जहा - तेउलेस्सा, पम्हलेस्सा, सुक्कलेस्सा, वेमाणिणीणं पुच्छा, गोयमा ! एगा तेउलेस्सा,
श्री प्रज्ञापना सूत्र : ४
