________________
प्रज्ञापनासूत्रे जाव पडिरूवा, एत्थ णं दाहिणिल्लाणं असुरकुमाराणं देवाणं पज्जत्तापजत्तगाणं ठाणा पण्णत्ता, तीसु वि लोगस्स असंखेजइ. भागे, तत्थ णं बहवे दाहिणिल्ला असुरकुमारा देवा देवीओ य परिवसंति, काला लोहियक्खा, तहेव जाव भुंजमाणा विहरंति, एएसि णं तहेव तायत्तीसगलोगपाला भवंति, एवं सव्वत्थ भाणियव्वं, भवणवासी णं चप्परे इत्थ असुरकुमारिंदे असुरकुमारराया परिवसति, काले महानीलसरिसे जाव पभासेमाणे, से णं तत्थ चउतीसाए भवणावाससयसहस्साणं चउसट्रीए सामाणियसाहस्तीणं तायत्तीसाए तायत्तीसगाणं चउण्हं लोगपालाणं पंचण्हं अग्गमहिसीणं सपरिवाराणं, तिण्हं परिसाणं, सत्तण्हं अणियाणं, सत्ताहं अणियाहिबईणं, चउण्ह य चउ. सट्रीणं आयरक्खदेवसाहस्सीणं, अन्नेसिं च बहणं दाहिणिल्लाणं देवाणं देवीण य आहेवच्चं पोरेवच्चं जाव विहरंति, कहि णं भंते ! उत्तरिल्लाणं असुरकुमाराणं देवाणं पजत्तापजत्तगाणं ठाणा पण्णत्ता ? कहि गं भंते ! उत्तरिल्ला असुरकुमारा देवा परिवसंति ? गोयमा ! जंबूद्दीवे दीवे मंदरस्त फव्वयस्स उत्तरेणं इमीसे रयणप्पभाए पुढवीए असी उत्तरजोयणसयसहस्सबाहल्लाए उवरि एगं जोयणसहस्सं ओगाहित्ता चेगं जोयणसहस्सं वजित्ता मज्झे अहुत्तरे जोयणसयसहस्से एत्थ णं उत्तरिल्लाणं असुरकुमाराणं देवाणं तीसं भवणावाससयसहस्सा भवंतीति मक्खायं, तेणं भवणा बाहिं वट्टा अंतो चउरंसा सेसं जहा दाहिणिल्लाणं जाव विहरंति, बली एत्थ वइरोयणिंदे वइरोयणराया परिवसति, काले महानीलसरिसे जाव पभासेमाणे से णं तत्थ तीसाए भवणावाससयसहस्साणं सटीए सामाणियसाहस्तीणं तायत्तीसाए तायत्तीसगाणि
શ્રી પ્રજ્ઞાપના સૂત્ર : ૧
