________________
जीवाभिगमसूत्रे किण्हसुत्तववग्धारियमल्लदामकलावा जाव चिटुंति ॥ तेसि णं तोरणाणं पुरओ दो दो हयसंघाडा पन्नत्ता, सव्वरयणामया अच्छा जाव पडिरूवा, एवं पंतीओ वीहिओ मिहुणगा, दो दो पउमलयाओ जाव पडिरूवाओ, तेसि णं तोरणाणं पुरओ अक्खा असोवत्थिया सव्वरयणामया अच्छा जाव पडिरूवा, तेसि णं तोरणाणं पुरओ दो दो चंदणकलसा पन्नत्ता, ते णं चंदणकलसा वरकमलपइटाणा जाव सव्वरयणामया अच्छा जाव पडिरूवा समणाउसो!। तेसि णं तोरणाणं पुरओ दो दो भिंगारगा पण्णता वरकमलपइटाणा जाव सव्वरयणामया अच्छा जाव पडिरूवा महया महया मत्तगय मुहागिति समाणा पन्नत्ता समणाउसो ! । तेसि णं तोरणाणं पुरओ दो दो आयंसगा पण्णता, तेसि णं आयंसगाणं अयमेयारूवे वण्णावासे पन्नत्ते, तं जहा तवणिजमया पयंठगा वेरुलियामया छरुहा (थंभया) वइरामया वरंगा, णाणामणिमया वलक्खा अंकमया मंडला अणोधसिय निम्मलाए छायाए सव्वओ चेव समणुबद्धा चंदमंडल पडिनिकासा महया महया अद्धकायसमाणा पन्नत्ता समणाउसो !। तेसि णं तोरणाणं पुरओ दो दो वइ. रामए थाले पन्नत्ते, ते गं थाला अच्छतिच्छडियसालि तंदुल नह संदट्ट बहुसमपडिपुण्णा चेव चिटुंति, सव्व जंबूणया मया अच्छा जाव पडिरूवा, महयामहया रहचकसमाणा समणाउसो!। तेसि णं तोरणाणं पुरओ दो दो पातीओ पन्नत्ताओ, जाओ गं पातीओ अच्छोदयपडिहत्थाओ णाणाविह पंचवण्णस्स फलहरियगस्स बहुपडिपुण्णाओ विव चिटुंति, सव्वरयणामईओ जाव पडिरूवाओ महयामहया गोगलिंजक चकसमाणाओ पण्णत्ताओ समणाउसो!॥ तेसि णं तोरणाणं पुरओ
જીવાભિગમસૂત્ર
