________________
प्रमेयद्योतिका टीका प्र.३ उ.३ सू.५७ विजयद्वारपालस्थितनषेधिक्या:नि० ८३ । दो दो सुपइटगा पन्नत्ता, ते णं सुपइटगा णाणाविह पंचवण्ण पसाहणगभंडविरचिया सव्वोसधिपडिपुण्णा सव्वरयणामया अच्छा जाव पडिरूवा ॥ तेसि णं तोरणाणं पुरओ दो दो मणोगुलियाओ पन्नत्ताओ, तासु णं मणोगलियासु बहवे सुवपणरुप्पमया फलगा पन्नत्ता, तेसुणं सुवण्णरुप्पमएसु फलएसु बहवे वइरामया णागदंता मुत्ताजालंतरुसिया हेम जाव गयदंतगसमाणा पण्णत्ता समणाउसो!॥ तेसुणं वइरामएसु णागदंतएसु बहवे रययामया सिकया पन्नत्ता, तेसु णं रययामएसु सिकएसु बहवे वायकरगा पन्नत्ता॥ ते णं वायकरगा किण्हसुत्तसिकगवत्थिया जाव सुकिल्ल सुत्तसिकगवत्थिया सव्वे वेरुलियामया अच्छा जाव पडिरूवा। तेसि णं तोरणाणं पुरओ दो दो चित्ता रयणकरंडगा पन्नत्ता, से जहाणामए, रणो चाउरंत चक्कबहिस्स चित्ते रयणकरंडगे वेरुलिय मणिफालियपडलपच्चोयणे साए पभाए ते पएसे सबओ समंता ओभासइ उज्जोवेइ तावेई पभासेइ। एवामेव ते चित्तरयणकरंडगा पन्नत्ता वेरुलियपडल पञ्चोयडा साए पभाए ते पएसे सव्वओ समंता ओभासंति॥ तेसि णं तोरणाणं पुरओ दो दो हयकंठगा जाव दो उसभकंठगा पन्नत्ता सव्वरयणामया अच्छा जाव पडिरूवा । तेसुणं हयकंठएसु जाव उसभकंठएसु दो दो पुप्फचंगेरीओ, एवं मल्ल गंधचुण्णवत्थाभरण चंगेरीओ सिद्धत्थ चंगेरीओ लोमहत्थ चंगेरीओ सव्वरयणामईओ अच्छाओ जाव पडिरूवाओ। तेसिणं तोरणाणं पुरओ दो दो पुप्फपडला जाव लोमहत्थपडला सव्वयणामया जाव पडिरूवा। तेसि ण तोरणाणं पुरओ दो दो सीहासणाइं पण्णत्ताइं, तेसि णं सीहासणाणं अयमेयारूवे वण्णावासे पन्नत्ते तहेव जाव पासाइया४। तेसि णं तोरणाणं
જીવાભિગમસૂત્રા
