________________
८३८
जीवाभिगमसूत्रे णसहस्साइं उठें उच्चत्तेणं एग जोयणसहस्सं उव्वेहेणं सव्वत्थ. समा, पल्लगसंठाणसंठिया दसजोयणसहस्साइं विक्खंभेणं एक्क. तीसं जोयणसहस्साई छच्च तेवीसे जोयणसए परिक्खेवेणं पन्नत्ता सव्वरयणामया अच्छा जाव पडिरूवा, तहा पत्तेयं-२ पउमवरवेइया० वणसंड वण्णओ बहुसम० जाव आसयंतिसयंति। सिद्धाययणं चेव पमाणं अंजणपव्वएसु सच्चेव वत्तवया णिरवसेसं भाणियव्यं जाव उप्पिं अट्टमंगलगा । तत्थणं जे से दक्खिणिल्ले अंजणपव्वए तस्स णं चउदिसिं चत्तारि णंदाओ पुक्खरिणीओ पन्नत्ताओ, तं जहां-भद्दा य-विसाला य कुमुया पुंढरिगिणी, (नंदुत्तरा य-नंदा-आनंदा-नंदिवड्डणा) तं चेव दहिमुहा पव्वया तं चेव पमाणं जाव सिद्धाययणा । तत्थ णं जे से पञ्चथिमिल्ले अंजणपव्वए तस्स णं चउदिसिं चत्तारिणंदा पुक्खरिणीओ पन्नत्ताओतं जहा-णंदिसेणा अमोहा य गोथूभा य सुदंसणा (भदा विसाला कुमुया पुंडरिगिणी) तं चेव सव्वं भाणियव्वं जाव सिद्धाययणा । तत्थ णं जे से उत्तरिल्ले अंजणपटवए तस्स णं चउदिसिं चत्तारि गंदा पुक्ख. रिणीओ, तं जहा-विजया-वेजयंती-जयंती-अपराजिया, सेसं तहेव जाव सिद्धाययणा सव्वाए चिय वण्णणा णायव्वा तत्थणं बहवे भवणवइ वाणमंतरजोइसियवेमाणिया देवा चाउमासिया पडिवएसु संवच्छरीएसु वा अण्णेसु बहुसु जिणजमण णिक्खमणणाणुप्पत्ति परिणिव्वाण माइए सुभदेवकज्जेसु य देवसमुदएसु य देवसमितीसु य देवसमवाएसु य देवपओयणेसु य एगंतओ सहिया समुवागया समाणा पमुइयपक्कीलिया अट्टा. हिया रूवाओ महामहिमाओ करेमाणा पालेमाणा सुहं सुहेणं विहरति । कइलास हरिवाहणा य तत्थ दुवे देवा महड्डिया
જીવાભિગમસૂત્ર
