________________
प्रमेयद्योतिका टीका प्र.३ उ.३ सू.१०३ क्षोदोदादिद्वीपसमुद्रनिरूपणम् ८३७ सोलसजोयणप्पमाणा साइरेगाइं सोलसजोयणाई उच्चा सेसं तहेव जाव जिणपडिमा। चेइयरुक्खा तहेव चउदिसिं तं चेव पमाणं जहा विजयाए रायहाणीए, नवरि मणिपेढियाए सोलस जोयणप्पमाणाओ तेसि णं चेइयरुक्खाणं चउदिसिं चत्तारि मणिपेढियाओ अटुजोयण विक्खंभाओ चउजोयणबाहल्लाओ महिंदज्झया चउसट्रिजोयणुच्चा जोयणोव्वेधा जोयणविक्खंभा सेसं तं चेव । एवं चउदिसिं चत्तारि गंदा पुक्खरिणीओ, णवरि खोयस्स पडिपुण्णाओ जोयणसयं आयामेणं पन्नासं जोयणाई विक्खंभेणं पण्णासं जोयणाई उच्वेहेणं सेसं तं चेव । मणुगुलियाणं गोमाणसीण य अडयालीसं-२ सहस्साई पुरच्छिमेण वि सोलस पञ्चत्थिमेण वि सोलस दाहिणेण वि अट्र उत्तरेण वि अट्र साहस्सीओ तहेव सेसं उल्लोया भूमिभागा जाव बहुमज्झदेसभाए, मणिपेढिया सोलसजोयणा आयामविक्खंभेणं अट्जोयणाई बाहल्लेणं तारिसं मणिपेढियाणं उप्पि देवच्छंदगा सोलसजोयणाई आयामविक्खंभेणं साइरेगाई सोलसजोयणाई उड्डूं उच्चत्तेणं सव्वरयणामय० अट्रसयं जिणपडिमाणं सव्वो सो चेव गमो जहेव वेमाणिय सिद्धाययणस्स।
तत्थ णं जे से पुरच्छिमिल्ले अंजणपव्वए तस्स णं चउ. दिसिं चत्तारि णंदाओ पुक्खरिणीओ पण्णत्ताओ, तं जहाणंदुत्तरा य णंदा, आणंदा, णंदिवद्वणा (नंदिसेणा-अमोघा य गोथूभा य सुदंसणा) ताओ गंदा पुक्खरिणीओ एगमेगं जोयणसयसहस्सं आयामविक्खंभेणं दसजोयणाइं उव्वेहेणं अच्छाओ सण्हाओ पत्तेयं-२ पउमवरवेइया० पत्तेयं-२ वणसंडपरिक्खित्ता तत्थ-२ जाव सोवाणपडिरूवगा तोरणा । तासि णं पुक्खरिणीणं बहुमज्झदेसभाए पत्तेयं-२ दहिमुहपव्वया चउसट्रिजोय.
જીવાભિગમસૂત્ર
