________________
२९६
जीवाभिगमसूत्रे यायंति-वासंति, अप्पेगइया देवा देवसन्निवायं करेंति, अप्पेगइया देवा देवुक्कलियं करेंति, अप्पेगइया देवा देवकहकहं करेंति, अप्पेगइया देवा दुहदुहं करेंति, अप्पेगइया देवा देवसन्निवायं देव उकलियं-देवकहकह-देवदुहदुहं करेंति, अप्पेगइया देवा देवुजोयं करेंति, अप्पेगइया देवा विज्जुयाइं करेंति, अप्पेगइया देवा चेलुक्खेवं करेंति, अप्पेगइया देवा देवुजोयं विज्जुयाइं चेलुक्खेवं करेंति, अप्पेगइया देवा उप्पलहत्थगया जाव सहस्सपत्तहत्थगया घंटाहत्थगया, कलसहत्थगया जाव धूवकडुच्छहत्थगया हट्टतुट्रा जाव हरिसवसविसप्पमाणहियया विजयाए रायहाणीए सव्वओ समंता आधावेंति परिधावेति । तएणं तं विजयं देवं चत्तारि सामाणिय साहस्सीओ चत्तारि अग्गमहिसीओ सपरिवाराओ जाव सोलस आयरक्ख देव साहस्सीओ अण्णे य बहवे विजयरायहाणी वत्थव्वया वाणमंतरा देवा य देवीओ य तेहिं वरकमलपइटाणेहिं जाव अट्रसएणं सोवणियाणं कलसाणं तं चेव जाव अट्रसएणं भोमेज्जाणं कलसाणं सव्वोदएहिं सव्वमट्टियाहिं सव्वतूवरेहिं सव्वपुप्फेहिं जाव सव्वोसहि सिद्धथएहिं सव्विड्डीए जाव निग्घोसनाइयरवेणं महया महया इंदाभिसेएणं अभिसिंचंति पत्तेयं पत्तेयं सिरसावत्तं अंजलिकटु एवं वयासी जयजय गंदा ? जयजय भदा ? जयजय नंद भदं ते अजियं जिणेहि जियं पालयाहि अजियं जिणेहि सत्तु पक्खं जियं पालेहि मित्तपक्खं जियमज्झे वसाहि तं देव ! निरुवसग्गं इंदो इव देवाणं चंदो इव ताराणं चमरो इव असुराणं धरणो इव नागाणं भरहो इव मणुयाणं बहुणि पलिओयमाई बहूणि सागरोवमाणि चउण्हं सामाणियसाहस्सीणं जाव आयरक्खदेवसाहस्सीणं
જીવાભિગમસૂત્ર
