________________
प्रमेयद्योतिका टीका प्र.१० सू.१५४ जीवानां दशविधत्वनिरूपणम् १५३५ अथ दशविधान् जीवान् आह
मूलम्-तत्थ णं जे ते एवमाहंसु दसविहा सव्वजीवा पन्नता तेणं एवमाहंसु तं जहा पुढवीकाइया आउकाइया तेउकाइया वाउकाइया वणस्सइकाइया बेइंदिया तेइंदिया चउरिंदिया पंचिंदिया अणिदिया । पुढवीकाइएणं भंते ! पुढवीकाइयत्ति कालओ केवचिरं होइ ? गोयमा! जहन्नेणं अंतोमुहत्तं उक्कोसेणं असंखेज्जाओ उस्लप्पिणी ओसष्पिणीओ कालओ खेत्तओ असंखेज्जा लोया । एवं आउ तेउ वाउकाइए। वणस्सइकाइएणं भंते! वणस्सइकाइयत्ति कालओ केवच्चिरं होइ ? गोयमा ! जहन्नेणं अंतोमुहुत्तं उक्कोसेणं वणस्सइकालो। बेइंदिए णंभंत! जहन्नणं अंतोमुहत्तं उक्कोसेणं संखेज्जं कालं। एवं तेइंदिए वि चउरिदिए वि पंचिदिए णं भंते! गोयमा ! जहन्नेणं अंतोमुहत्तं उक्कोसेणं सागरोवमसहस्सं साइरेगं । अणिदिए णं भंते ! साईए अपज्जवसिए। पुढवीकाइयस्स णं भंते ! अंतरं कालओ केवच्चिरं होइ ? गोयमा ! जहन्नेणं अंतोमुहुत्तं उक्को सेणं वणस्सइकालो एवं आउकाइयस्स तेउकाइयस्स वाउका इयस्स । वणस्सइकाइयस्स णं भंते ! अंतरं कालओ केवञ्चिरं होइ ? गोयमा ! जागेव पुढवीकाइयस्स संचिटणा । बियतियः चउरिदियपंचिंदियाणं एएसिं चउण्हंपि अंतरं जहन्ने अंतो. मुहत्तं उक्कोसेणं वणस्सइकालो। अणिदियस्स णं भंते ! अंतरं कालओ केवच्चिरं होइ ? गोयमा ! साईयस्स अपज्जवसियस्स णत्थि अंतरं। एएसिणं भंते ! पुढवीकाइयाणं आउकाइयाणं तेउकाइयाणं वाउकाइयाणं वणस्सइकाइयाणं बेइंदियाणं तेइंदियाणं चउरिदियाणं पंचिंदियाणं अणिदियाण य कयरे कयरेहिंतो अप्पा वा बहुया वा तुल्ला वा विसेसाहिया वा? गोयमा!
જીવાભિગમસૂત્ર
