________________
१५१८
जीवाभिगमसूत्रे अपढमसमयतिरिक्खजोणिया पढमसमयमणूस्सा अपढमसमयमणुस्सा पढमसमयदेवा अपढमसमयदेवा सिद्धा य । पढमसमयणेरइयाणं भंते ! कालओ केवञ्चिरं होइ ? गोयमा ! एगं समयं अपढमसमयणेरइयस्त णं भंते० ? जहण्णेणं दसवाससहस्साइं समऊणाई उक्कोसेणं तेत्तीसं सागरोवमाइं समऊणाई। पढमसमयतिरिक्खजोणियस्स णं भंते! एक्कं समयं अपढमसमयतिरिक्खजोणियस्स णं भंते !० जहन्नेणं खुड्डागं भवग्गहणं समऊणं उक्कोसेणं वणस्सइकालो। पढमसमयमणूसेणं भंते! एक्कं समयं, अपढमसमयमणुस्सेणं भंते ! जहन्नेणं खुड्डागं भवग्गहणं समऊणं उक्कोसेणं तिन्नि पलिओवमाइं पुठ्वकोडी पुहुत्तमब्भहियाई । देवे जहा णेग्इए। सिद्धे णं भंते ! सिद्धेति कालओ केवञ्चिरं होइ ? गोयमा ! साईए । अपज्जवसिए। पढमसमयणेरइस्स णं भंते ! अंतरं कालओ केवच्चिरं होइ ? गोयमा ! जहन्नेणं दसवाससहस्साइं अंतोमुहत्तमब्भहियाई उक्कोसेणं वणस्सइ कालो । अपढमसमयणेरइयस्त णं भंते ! अंतरं कालओ० ? जहन्नेणं अंतोमुहत्तं उकोसेणं वणस्सइ कालो। पढमसमयतिरिक्खजोणियस्स णं भंते ! अंतरं कालओ केवच्चिरं होइ ? गोयमा जहन्नेणं दो खुड्डागाइं भवग्गहणाइं समऊणाई उक्कोसेणं वणस्सइकालो। अपढमसमयतिरिक्खजोणियस्स णं भंते ! अंतरं कालओ केवञ्चिरं होइ ? जहन्नेणं खुड्डागं भवग्गहणं समयाहियं उक्कोसेणं सागरोंवमसयपुहुत साइरेगं । पढमसमयमणूसस्स जहा पढमसमयत्तिरिक्खजोणियस्स, अपढमसमयमणूसस्स णं भंते ! अंतरं कालओ केवञ्चिरं होइ ? जहन्नेणं खड्डागभवग्गहणं समयाहियं उक्कोसेणं वणस्सइकालो। पढमसमयदेवस्स जहा पढमसमय णेरइयस्स अपढमसमयदेवस्स जहा अपढमसमय णेरइयस्स। सिद्धस्स गंभंते!.
જીવાભિગમસૂત્ર
