________________
जीवाभिगमसूत्रे वाउकाइया विसेसाहिया सिद्धा अणंतगुणा वणस्सइकाइया अणंतगुणा अहवा सत्तविहा सव्वजीव पन्नत्ता तं जहा-कण्हलेस्सा नीललेस्सा काउलेस्सा तेउलेस्ता पम्हलेस्सा सुक्कलेस्सा अलेस्सा । कण्हलेस्सेणं भंते! कण्हलेस्सत्ति कालओ केवञ्चिरं होइ ? गोयमा जहन्नेणं अंतोमुहुत्तं उक्कोसेणं तेत्तीसं सागरोवमाइं अंतोमुहुत्तमभहियाई। नीललेस्सेणं भंते ! जहन्नेणं अंतोमुहुत्तं उक्कोसेणंदससागरोवमाइं पलिओवमस्स असंखेजइभागमभडियाई। काउलेस्सेणं भंते !जहन्नेणं अंतोमुहत्तं उक्कोसेणं तिन्नि सागरोवमाइं पलिओवमस्स असंखेज्जइभागमभहियाइं। तेउलेस्सेणं भंते ! जहन्नेणं अंतोमुहत्तं उक्कोसेणं दोणि सागरोवमाइं पलिओवमस्स असंखेज्जइ भागमभहियाइं । पम्हलेस्सेणं भंते जहन्नेणं अंतोमु० उक्को० दस सागरोवमाइं अंतोमुहत्तमब्भहियाई। सुक्कलेस्से णं भंते । जहन्नेणं अंतो मुहत्तं उक्कोसेणं तेत्तीसं सागरोवमाइं अंतोमुहुत्तमब्भहियाइं। अलेस्से णं भंते ! साईए अपज्जवसिए । कण्हलेसस्स णं भंते! अंतरं कालओ केवञ्चिरं होइ ? जहन्नेणं अंतोमुहत्तं उकोसेणं तेत्तीसंसागरोवमाइं अंतोमुहुत्तमब्भहियाइं । एवं नीललेस्सस्सवि काउलेस्सस्सवि । तेउलेस्सस्स णं भंते ! कालओ केवचिरं होइ जहन्नेणं अंतोमुहुत्तं उक्कोसेणं वणस्सइकालो एवं पम्हलेसस्सवि सुक्कलेस्सस्सवि दोण्ह वि अंतरं। अलेस्सस्सणं भंते ! अंतरं कालओ० गोयमा ! साईयस्स अपज्जवसियस्स णत्थि अंतरं । एएसि णं भंते ! जीवाणं कण्हलेस्साणं नीलले स्साणं काउस्लेसाणं तेउलेस्सा णं पम्हलेस्साणं सुकलेस्साणं अलेस्साण य कयरे० गोयमा! सव्वत्थोवा सुक्कलेस्सा पम्हलेस्सा संखेज्जगुणा तेउलेस्सा संखेज्जगुणा अलेस्सा अणंतगुणा
જીવાભિગમસૂત્ર
