________________
प्रमेयद्योतिका टीका प्र.३ उ.३सू.३८ एकोरुक० मनुजीनामाकारादिकम् ५९५ कंबुवरसरिसगीवा मंसलसंठियपसत्थहणुया दाडिमपुप्फप्पगासपीवरकुंचियवराधरा सुंदरोत्तरोटा दधिदगरयचंदकुंदवासंतिमउल अच्छिद्दविमलदसणा रतुप्पलपत्तमउयसुकुमालतालुजीहा कणयवरमउल अकुडिल अब्भुग्गय उज्जुतुंगणासा सारयणवकमल. कुमुदकुवलयविमुकदलणिगरसरिसलक्खण अंकियकंतणयणा पत्तलचवलायंत तंबलोयणाओ आणामितचावरुइल किण्हब्भराइ संठियसंगय आययसुजायकसिणणिद्धभमुया अल्लीणपमाणजुत्तसवणा पीणमटरमणिजगंडलेहा चउरंसपसत्थसमणिडाला कोमुइरयणिकरविमलपडिपुन्न सोमवयणा छत्तुन्नय उत्तिमंगा कुडिलसुसिणिद्धदीहसिरया छत्तज्झयजुगथूभदामिणिकमंडलुकलसवाविसोत्थिय पडागजवमच्छकुम्मरहवरमगरसुकथाल अं. कुस अट्टावयवीइ सुपइटकमयूर सिरिदामाभिसेय तोरणमेइणि. उदधिवरभवणगिरिवर आयंसललियगय उसभसीहचमर उत्तम पसत्थबत्तीसलक्खणधराओ हंससरिसगईओ कोइलमधुरगिर सुस्सराओ कंता सव्वस्स अणुनयाओ ववगयबलिपलियावंग दुव्वण्णवाही दोभग्गसोगमुकाओ उच्चत्तेण य नराण थोवूण मूसियाओ सभावसिंगारागार चारुवेसा, संगयगयहसिय भणियचेट्रिय विलास संलावणिउण जुत्तोवयारकुसला सुंदरथणजहणवदणकरचरणणयणमाला वण्णलावण्णजोवणविलासकलिया नंदणवणविवरचारिणीउव्व अच्छराओ अच्छेरग पेच्छणिज्जा पासाइयाओ दरिसणिजाओ अभिरुवाओ पडिरूवाओ। तासि णं भंते ! मणुईणं केवइकालस्स आहारट्टे समुप्पजइ ? गोयमा ! चउत्थ भत्तस्स आहारट्टे समुप्पजइ ॥सू०३८॥
જીવાભિગમસૂત્ર
