________________
५९४
जीवाभिगमसूत्रे मूलम्-एगोरुय मणुईणं भंते ! केरिसए अगारभावपडोयारे पन्नते ? गोयमा! ताओ णं मणुईओ सुजाय सव्वंगसुंदरीओ पहाण महिलागुणेहिं जुत्ता अच्चंत विसप्पमाण पउम सूउमालकुम्मसंठिय विसिट्टचलणा उज्जुमिउय पीवर निरंतर पुटु संहियंगुलीया उण्णयरतियनलिणतवसुईणिद्धणखा रोमरहियवट्टलट्रसंठिय अजहण्ण लक्खण अकोप्प जंघजुयला सुणिम्मिय सुगूढजाणूमंडल सुबद्धसंधी कयलिक्खंभातिरेग संठियणिव्वणसुकुमालमउयकोमल अविरयसमसंहित सुजातवट्टपीवरणिरंतरोरु अटावयवीचीपट्टसंठिय पसत्थ वित्थिन्न पिहुलसोणी वदणायामप्पमाणदुगुणित विसालमंसलसुबद्ध जहणवरधारणीओ वज्जविराइयपसत्थलक्खणणिरोदरा तिवलिवलियतणुणमियमज्झिमाओ उज्जुयसमसंहियजच्चतणुकसिण णिद्धआदेजलडह सुविभत्तसुजायकंतसोभंतरुइलरमणिजरोमराई गंगावत्तपयाहिणावत्ततरंग भंगुररविकिरण तरुण बोहिय अकोसायंत पउमवणगंभीरवियडणाभी अणुब्भडपसत्थपीणकुच्छी सपणयपासा संगयपासा सुजायपासा, मितमाइयपीणरइयपासा अकरंडुयकणगरुयग निम्मलसुजायणिरुवहय गायलट्री कंचणकलससमपमाणसमसंहिय सुजायलटचूचूय आमेलगजमलजुगलवट्टिय अब्भुण्णयरतिय संठियपयोधराओ भुयंगणुपुब्वतणुयगोपुच्छवट्टसमसंहिय णमिय आएजललियवाहाओ तंबणहा मंसलग्ग हत्था पीवरकोमलवरंगुलीओ णिद्धपाणिलेहारविससिसंखवक्कसोत्थिय सुविभत्तसुइरतियपाणिलेहा पीणुण्णयकक्खवत्थिदेसा पडिपुण्णगल्लकवोला चउरंगुल सुप्पमाण
જીવાભિગમસૂત્રા