________________
M
प्रमेयद्योतिका टीका
प्र. १ शरीरादित्रयोविंशतिद्वाराणि ५९ तत्र प्रथमद्वारमधिकृत्याह-'तेसि णं भंते' इत्यादि,
मूलम् -'तेसि णं भंते ! जीवाणं कइ सरीरया पन्नत्ता ? गोयमा ! तओ सरीरा पन्नत्ता, तं जहा-ओरालिए तेयए कम्मए ३। तेसि णं भंते ! जीवाणं के महालिया सरीरोगाहणा पन्नत्ता, गोयमा ! जहन्नेणं अंगुलासंखेज्जइभागं उक्कोसेण वि अंगुलासंखेज्जइभागं ! तेसि णं भंते ! जीवाणं सरीरगा कि संघयणा पन्नत्ता गोयमा ! छेवट्टसंघयणा पन्नत्ता । तेसि णं भंते ! जीवाणं सरीरंगा कि संठिया पन्नत्ता ? गोयमा ! मसूरचंदसंठिया पन्नत्ता । तेसि ण भंते ! जीवाणं कई कसाया पन्नत्ता ? गोयमा ! चत्तारि कसाया पन्नत्ता । तं जहा-कोहकसाए १, माणकसाए २, मायाकसाए ३, लोभकसाए ४। तेसि णं भंते ! जीवाणं कइ सण्णा पन्नत्ता ? गोयमा ! चत्तारि सण्णा पन्नत्ता, तं जहा-आहारसन्ना १, जाव परिग्गहसन्ना ४ तेसि णं भंते ! जीवाणं कइ लेस्साओ पन्नत्ताओ? गोयमा ! तिन्नि लेस्साओ पन्नत्ताओ, तं जहा-कण्हलेस्सा १ नीललेस्सा, २, काउलेस्सा ३, तेसि णं भंते ! जीवाणं कइ इंदियाइं पन्नत्ताई ? गोयमा! एगे फासिदिए पन्नत्ते। तेसि णं भंते ! जीवाणं कइ समुग्धाया पन्नत्ता ? गोयमा ! तओ समुग्धाया पन्नत्ता, तं जहा-वेयणासमुग्धाए १, कसायसमुग्धाए २, मारगंतियसमुग्घाए ३। ते णं भंते ! जीवा किं सन्नी असन्नी ? गोयमा ! नो सन्नी असन्नी । ते ण भंते ! जीवा किं इत्थियवेयगा पुरिसवेयगा नपुंसगवेयगा ? गोयमा ! नो इथियवेयगा नो पुरिसवेयगा नपुंसगवेयगा । तेसि णं भंते !जीवाणं कइ पज्जत्तीओ पन्नताओ ? गोयमा ! चत्तारि पज्जत्तीओ पन्नत्ताओ, तं जहा-आहारप
જીવાભિગમસૂત્ર
